გავრცელებული ცნობით, შეტევა ჰუსიტების მიერ ისრაელის მიმართულებით გაშვებული რაკეტების საპასუხოდ განხორციელდა.

ისრაელის სამხედრო ძალების განცხადებით, მათი სამიზნეები იყო სამხედრო კომპლექსი, სადაც პრეზიდენტის სასახლეა განთავსებული, ორი ელექტროსადგური და საწვავის შესანახი ადგილი.

ჰუსიტების ჯანდაცვის სამინისტროს წარმომადგენელმა განაცხადა, რომ დაშავდა 90-ზე მეტი ადამიანი.

ცნობისთვის, მას შემდეგ, რაც ისრაელმა ღაზაში პალესტინური მებრძოლი დაჯგუფება „ჰამასის“ წინააღმდეგ 2023 წლის ოქტომბერში ომი დაიწყო, ირანთან მოკავშირე ჰუსიტებმა წითელ ზღვაში გემებს შეუტიეს, რასაც ისინი პალესტინელებისადმი სოლიდარობის აქტებს უწოდებენ.