„ჩვენ კიდევ ერთხელ ვადასტურებთ ჩვენს მტკიცე მხარდაჭერას ვენესუელის ხელმძღვანელობის მიმართ ეროვნული სუვერენიტეტის დაცვის საქმეში. ჩვენ ლათინური ამერიკისა და კარიბის ზღვის აუზის, როგორც მშვიდობის ზონის შენარჩუნებას, მხარს ვუჭერთ. სიტუაციის დეესკალაციისა და არსებული პრობლემების კონსტრუქციულად მოგვარების მიზნით საჭიროა ნაბიჯები საერთაშორისო სამართლის პატივისცემით გადაიდგას“, - განაცხადა მარია ზახაროვამ.

მისი თქმით, „ნარკოტიკებით გამოწვეული პრობლემების საფუძველი თავად აშშ-შია“.

„ოფიციალურად გაცხადებული მიზანი ნარკოტიკების წინააღმდეგ ბრძოლის მისიაა. ამის შესახებ თავად აშშ-ის თავდაცვის მდივანმა, პიტ ჰეგსეტმა ცოტა ხნის წინ განაცხადა. წყნარ ოკეანეში ნავებზე აშშ-ის თავდასხმების შედეგად დაღუპულთა რიცხვი ათეულობით ადამიანს აღწევს. ამ პრობლემის მოსაგვარებლად ამერიკელები ზედმეტად შორს მიდიან. 2023 წელს აშშ-ში ნარკოტიკების ჭარბი დოზით დაახლოებით 109600 ადამიანი დაიღუპა. 1999-დან 2020 წლამდე დაახლოებით 841000 ადამიანი გარდაიცვალა, აქედან 500000 ადამიანის სიკვდილი რეცეპტით გაცემულ და უკანონო ოპიოიდებს უკავშირდებოდა. ამ სენის წყარო და მიზეზი არა კარაკასში, არამედ ვაშინგტონშია“, - აღნიშნა ზახაროვამ.