ვიბრაკის ციხესიმაგრის ნანგრევები საფრანგეთის აღმოსავლეთ ნაწილში მდებარეობს. ის თავდაპირველად მე-9 საუკუნეში აააშენეს და მას შემდეგ არაერთხელ განახლდა. ციხესიმაგრემ განსაკუთრებული მნიშვნელობა რენესანსის ეპოქაში შეიძინა, როდესაც მას მარეუილების დიდგვაროვანი ოჯახი მართავდა.

თუმცა, მას შემდგომ ვიბრაკი დავიწებას მიეცა და განადურების წინაშე აღმოჩნდა. 2016 წელს ის სტარტაპ კომპანიამ Dartagnans.fr-მა შეიძინა, თუმცა მათ ციხესიმაგრის რეაბილიტაციისთვის საჭირო ფინანსები არ გაჩნდათ.

ამიტომაც, მათ ციხესიმგარის აღსადგენად ორიგინალური ხერხი მოიფიქრეს. Dartagnans.fr-მა გადაწყვიტა ციხესიმგარე მრავალი მომხმარებლისთვის „დაექუცმაცებინა“ და მისი მფლობელი თითოეული მათგანი გამხდარიყო.

ციხესიმგარის ყველაზე პატარა ოთახების ფასი 55$-დან იწყება.

აღსანიშნავია, რომ კომპანიის გეგმამ გაამართლა და მრავალი დაინტერესებული ადამიანი გამოჩნდა. შედეგად ციხესიმაგრის მცირე ნაწილის მფლობელი 45 ქვეყნის 1700 ადამიანი აღმოჩნდა.

ამ დროისათვის მათ 170 000 ევროზე მეტი შეაგროვეს, ციხესიმაგრის სრულ აღდგენას კი 1 240 000 ევრო დასჭირდება. Dartagnans.fr იმედს გამოთქვამს, რომ ციხესიმაგრე პირვანდელ სახეს მალე დაიბრუნებს და მის სანახავად უამრავი სტუმარი ჩავა.

https://www.bpn.ge/