იტალიაში ორშაბათიდან რესტორნები და ტანსაცმლის მაღაზიები გაიხსნება
იტალიაში, ახალი კორონავირუსის პრევენციის მიზნით დაწესებული შეზღუდვების შემსუბუქების ფარგლებში, 18 მაისიდან გაიხსნება საცალო მაღაზიები, მათ შორის, ტანსაცმელის მაღაზიებიც, თავის მოვლასთან დაკავშირებული ყველა დაწესებულება: ესთეტიკური ცენტრები, სილამაზის სალონები.
ამის შესახებ ინფორმაციას გამოცემა The Guardian ავრცელებს.
გაიხსნება, ასევე, რესტორნები, ბარები, პიცერიები, საკონდიტრო ნაწარმის მაღაზიები და სანაყინეები.
პრემიერ-მინისტრის ჯუზეპე კონტეს განცხადებით, 25 მაისიდან სპორტული დარბაზებიც გაიხსნება.
იტალიაში თეატრები და კინოთეატრები მუშაობას 15 ივნისიდან განაახლებენ.
3 ივნისიდან სავარაუდოდ, მოიხსნება ქვეყანაში შესვლასა და გასვლაზე დაწესებული შეზღუდვები და გაიხსნება ქვეყნის საზღვრები. ამასთან, იტალიაში შესვლა მხოლოდ იმ ქვეყნებიდან იქნება შესაძლებელი სადაც კორონავირუსის გავრცელების მაჩვენებელი შემცირებულია ან აღარ ფიქსირდება.
სიახლეები
- ხაჭოს პასკა
- საკანონმდებლო პაკეტი, რომლის მიხედვითაც, საერთაშორისო დონორი ორგანიზაციები გრანტს მთავრობის თანხმობის გარეშე ვეღარ გასცემენ, პარლამენტმა პირველი მოსმენით მიიღო
- თბილისში დაკარგული მოზარდები იპოვეს
- "პარტია არ შეიძლება იმართებოდეს ჩემი წერილებით ან ვიწრო ჯგუფის გადაწყვეტილებებით"- სააკაშვილი
- "კლასიკური პარტიიდან უნდა გარდავიქმნათ წინააღმდეგობის მოძრაობად; პარტია არ შეიძლება, იმართებოდეს ჩემი წერილებით" - სტატუსი სააკაშვილი “ნაცმოძრაობაზე”