ამის შესახებ განცხადება ფინანსთა მინისტრმა მარია ხესუს მონტერომ გააკეთა.

დროშები დაშვებული იქნება ყველა სახელმწიფო დაწესებულების შენობასა და სამხედრო საზღვაო ძალების გემებზე.

ეს ესპანეთის ისტორიაში ყველაზე ხანგრძლივი ტრაური იქნება. უკანასკნელად ეროვნული გლოვის დღე ქვეყანაში 2017 წლის აგვისტოში, ბარსელონასა და კამბრილსეში მომხდარი ტერაქტის შემდეგ გამოცხადდა.

ეპიდემიის დაწყებიდან დღემდე ესპანეთში 26 800 ადამიანი გარდაიცვალა და დაინფიცირების 235 000-ზე მეტი შემთხვევა გამოვლინდა.