ამის შესახებ ქვეყნის ჯანდაცვის მინისტრმა განაცხადა.

მისი თქმით, საეჭვო შემთხვევების ნიმუშები, რომლებიც ბიოსამედიცინო კვლევების ეროვნულ ინსტიტუტში გადაიგზავნა, დადებითი აღმოჩნდა.

ებოლას უკვე სულ მცირე 4 ადამიანი ემსხვერპლა.

ადგილზე ჯანდაცვის მსოფლიო ორგანიზაციის სპეციალისტები ჩავიდნენ.

კონგოში ებოლას ამჟამინდელი აფეთქება 2018 წლის ივლისის ბოლოს დაიწყო. ერთი წლის შემდეგ ჯანდაცვის მსოფლიო ორგანიზაციამ მას საერთაშორისო მასშტაბის მქონე საგანგებო სიტუაციის კლასიფიკაცია მიანიჭა. მაშინ ვარაუდობდნენ, რომ 2020 წლის აპრილისთვის ქვეყანა ვირუსს დაამარცხებდა. თუმცა 10 აპრილს, ბოლო ინფიცირებულის გამოჯანმრთელებიდან 52 დღის შემდეგ, ინფიცირების ახალი შემთხვევა დაფიქსირდა.