მთავრობის მეთაურმა სოციალურ ქსელში გამოაქვეყნა ცხრილი, რომელშიც მოცემულია კორონავირუსის დადასტურებული შემთხვევები და მომავალი პერიოდის პროგნოზი.

”ამ მონაცემთა ანალიზმა აჩვენა, რომ ამჟამად სომხეთში 100 ათასზე მეტი მატარებელია (კორონავირუსის)”, - წერს ფაშინიანი სოციალურ ქსელში.

შეგახსენებთ, ფაშინიანის განცხადებით, სომხეთში, ჰოსპიტალიზაციის მოლოდინში კორონავირუსით ინფიცირებული 200-მდე პაციენტია. 

ოფიციალური მონაცემებით, სომხეთში ახალი კორონავირუსი ბოლო 24 საათში 766 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 13 130-ს მიაღწია. კორონავირუსის გავრცელებიდან დღემდე 200 ადამიანი გარდაიცვალა, მათ შორის, 10 გასული დღე-ღამის განმავლობაში. 4 014 პაციენტი გამოჯანმრთელდა.