ამავე დროს, ევროკავშირი ორივე მხარეს მოუწოდებს, ცეცხლის შეწყვეტის შეთანხმება დაიცვან.

„ასეთ შემთხვევაში, ეს შეთანხმება შეიძლება, გახდეს პირველი ნაბიჯი კონფლიქტის ყოვლისმომცველი და მდგრადი დარეგულირების გზაზე“, – წერს ბორელი.

მან ასევე ხაზი გაუსვა საერთაშორისო ჰუმანიტარული სამართლისა და კულტურული მემკვიდრეობის ძეგლების დაცვის აუცილებლობას.

მთიანი ყარაბაღის კონფლიქტის ზონაში საბრძოლო მოქმედებები 10 ნოემბერს შეწყდა. მანამდე, ცნობილი გახდა, რომ სომხეთის პრემიერ-მინისტრმა რუსეთის და აზერბაიჯანის ლიდერებთან ერთად ხელი მოაწერა შეთანხმებას, რომლის მიხედვითაც მთიანი ყარაბაღის სიახლოვეს მდებარე შვიდი რაიონი აზერბაიჯანს გადაეცემა, ხოლო ყარაბაღისა და სომხეთის დამაკავშირებელ დერეფანს რუსი სამხედროები გააკონტროლებენ.