ვფიქრობდი, რომ პირველივე ტურში გავიმარჯვებდი - კალაძე
პარტია "ქართული ოცნების" თბილისის მერობის კანდიდატმა, კახი კალაძემ პარტიის ოფისში გამართულ ბრიფინგზე განაცხადა, რომ პირველივე ტურში გამარჯვების მოლოდინი ჰქონდა და ამის ყველა წინაპირობა არსებობდა.
"გულწრფელად ვიტყვი, ვფიქრობდი, რომ პირველივე ტურში გავიმარჯვებდით, ამის ყველა წინაპირობა არსებობდა. თუმცა, ბოლო დღეების განმავლობაში ბევრი რაღაც შეიცვალა. ახლა არ დავიწყებ ამის ახსნას, მთავარია სწორი ანალიზის გაკეთება, მომზადება მეორე ტურისთვის და წინ გამარჯვებისკენ" - განაცხადა კალაძემ .
მისივე განცხადებით, მეორე ტური გარკვეული მიზეზებით იყო განპირობებული. მათ შორის, კახა კალაძის თქმით, ერთ-ერთ მიზეზი, შესაძლოა "ხმების გაყოფა" იყოს.
დედაქალაქის მოქმედმა მერმა ასევე თქვა, რომ შესაძლოა, პროცესს თავადაც რაღაც დააკლო, რის გამოც ამომრჩეველს ბოდიშს უხდის.
"დღეს არ დავიწყებ იმ მიზეზების ჩამოთვლას, რამ გამოიწვია ეს შედეგები - პოლიტიკური პროცესების დაძაბვამ, სხვადასხვა კანდიდატის მიერ ამომრჩეველთა ხმების გაყოფამ... ვიტყვი ერთს - ნებისმიერ გადაწყვეტილებას, რომელსაც თბილისელები საარჩევნო ყუთთან დააფიქსირებენ, პატივს ვცემ.შეიძლება მეც რაღაც დავაკელი ამ პროცესს. შეიძლება მუშაობის პროცესში ყველა აქტუალურ საკითხზე ვერ გავამახვილე ყურადღება, ამისთვის ბოდიში, მაგრამ კიდევ ერთხელ მზად ვარ მეორე ტურში მივიღო მონაწილეობა და თბილისელების დახმარებით ჩვენ შევძლებთ გამარჯვებას" - განაცადა კალაძემ.
სიახლეები
- ფუნთუშა
- "როგორ უნდა ეწინააღმდეგებოდეს ადამიანის უფლებებს მარტივი მოთხოვნა, რომ გარე დაფინანსების შემთხვევაში წელიწადში ერთხელ დეკლარაცია ჩააბარო?! - კანონის წინააღმდეგ არგუმენტები დღემდე წარმოდგენილი არ არის" -არჩილ თალაკვაძე
- " ხელისუფლებამ ახალი ძალებით დაიწყო ფიზიკური და ფსიქოლოგიური ძალადობა - გუშინ ჩვენი გუნდის დეპუტატებთან, მათ შორის ჩემთან განხორციელდა ძალადობის მუქარა, თუმცა ეს ვერ შეგვაჩერებს! "- ანა ბუჩუკური
- "საქართველოსა და ჩინეთს შორის უვიზო მიმოსვლა და პირდაპირი რეისები ორ ქვეყანას შორის ახალი ტურისტული ნაკადების გენერირებას ხელს შეუწყობს" - ირაკლი ქარქაშაძე
- " მივესალმები ახალგაზრდების გადაწყვეტილებას, არჩევნებისთვის მზადება დაიწყონ - თქვენ გაგვიძეხით წინ და ჩვენ გამოგყვებით!" - მიხეილ სააკაშვილი