"მინდა ვუთხრა „ქართულ ოცნებას“, ნუ წვალობთ, შეეგუეთ მარცხს" - ნიკა გვარამია
მინდა ვუთხრა „ქართულ ოცნებას“, ნუ წვალობთ, შეეგუეთ მარცხს,- ამის შესახებ “ კოალიცია ცვლილებისთვის” ერთ-ერთმა ლიდერმა,ნიკა გვარამიამ დღევანდელ ბრიფინგზე განაცხადა.
მისივე თქმით, ოპოზიცია ჯამურად უგებს „ქართულ ოცნებას“.
„ჩვენ ვნახეთ რამდენიმე ვიდეო, სადაც „ქართული ოცნება“ ხმებს აყალბებს და ყრის ბიულეტენებს, ძირითადად, იმ უბნებში, სადაც არ არის ტექნოლოგიური ხმის მიცემა. მინდა ვუთხრა „ქართულ ოცნებას“, ნუ წვალობთ, შეეგუეთ მარცხს. ზუსტად იცით, რომ დღის პირველი ნახევარი გაქვთ წაგებული. შეეგუეთ მარცხს და დაიწყეთ ხელისუფლების მშვიდობიან გადაბარებაზე. ყველანი არჩევნებზე, მეტი არაფერია დარჩენილი „ოცნების“ დამარცხებისთვის”, - განაცხადა გვარამიამ.
მან ამომრჩევლებს, განსაკუთრებით კი ახალგაზრდებს აქტიურობისკენ მოუწოდა.
„მინდა ვთხოვო მოსახლეობას, წვიმას არ მოერიდოს, სამშობლოსთვის ბრძოლა მოითხოვს უფრო მეტს, ვიდრე წვიმასთან გამკლავებაა, ჩვენ უნდა გავუმკლავდეთ რუსეთს. ჩვენ უნდა გავუმკლავდეთ ჩვენი სამშობლოს ისტორიულ მოწინააღმდეგეებს და ბოროტის მსურველებს“, - განაცხადა გვარამიამ.
სიახლეები
- დერმატოლოგის 5 რჩევა: მზიან სეზონზე კანის მოვლის მთავარი წესები
- უცხოური ვალუტის ოფიციალური კურსი 3 აპრილისთვის
- "ცირკში სიარულის ასაკიდან დიდი ხანია გამოვედი - თავი საბავშვო ბაღში მეგონა" - ირაკლი ოქრუაშვილი გამოკითხვის შემდეგ
- ტრამპი პუტინ-მედვედევის "ფოკუსს" გაიმეორებს?! - ამოაყირავებს თუ არა "დიდი დონალდი" ამერიკის პოლიტიკურ სისტემას
- “წულუკიანის კომისიის მუშაობის მიზნებია - ყურადღების გადატანა “მეგობარი აქტიდან” და რუსეთისთვის კოჭის გაგორება” - ვახტანგ ძაბირაძე