"აშშ-ის ელჩის შემდეგ საქართველოს მმართველი პარტია ახლა თავს დაესხა ევროკავშირის ელჩს. კატეგორიულად ვგმობ საქართველოს მთავრობის მიერ ელჩების ბულინგს. მიმაჩნია, რომ შეთანხმებული თავდასხმა ჩვენი უახლოესი სტრატეგიული მოკავშირეების წინააღმდეგ და ფარული მუქარა ჩვენი პარტნიორების მიმართ", - წერს გახარია.

ირაკლი კობახიძემ  ჟურნალისტებს განუცხდა, რომ ჰარცელს ევროკავშირსა და საქართველოს ურთიერთობებში მხოლოდ უარყოფითი როლი ჰქონდა.

უფრო ადრე, 15 ივლისს საქართველოს პრემიერ-მინისტრმა ირაკლი ღარიბაშვილმა ევროკავშირის წარმომადგენლობის ხელმძღვანელთან, კარლ ჰარცელთან გამოსამშვიდობებელი შეხვედრაზე "ხაზი გაუსვა საქართველოსა და ევროკავშირს შორის ორმხრივი ურთიერთობების განვითარებაში კარლ ჰარცელის მნიშვნელოვან წვლილს და მას მომავალ საქმიანობაში წარმატებები უსურვა".

24 ივნისს, ევროპულმა საბჭომ უკრაინას და მოლდოვას მიანიჭა ევროკავშირის წევრობის კანდიდატის სტატუსი სავალდებულოდ შესასრულებელი პირობებით, ხოლო საქართველოს - ევროპული პერსპექტივა. კანდიდატის სტატუსის მისაღებად, საქართველომ წლის ბოლომდე უნდა შეასრულოს 12 რეკომენდაცია. მათ შორისაა, პოლიტიკური პოლარიზაციის დაძლევა, ინსტიტუტების გამართულად მუშაობა და მათი დამოუკიდებლობა, სასამართლოს რეალური დამოუკიდებლობა და მიუკერძოებლობა, ელიტური კორუფციის შემთხვევების ეფექტიანად გამოძიება, დეოლიგარქიზაცია, თავისუფალი მედიაგარემო და ა.შ.