როგორც კობახიძემ აღნიშნა, სიმულაციას სინამდვილეში აქვს ერთადერთი მიზანი, რაღაცნაირად შექმნას არა საფუძველი, არამედ საბაბი შეწყალებისთვის, მაგრამ სიმულაცია წესით არაფრის საფუძველი არ უნდა იყოს.

„ზოგადად დღეს არ მინდა საერთოდ სააკაშვილის თემაზე საუბარი. ეს არ არის ის, რაც აინტერესებს საზოგადოებას. როდესაც მთლიანობაში საქმე გვაქვს სიმულაციასთან, ასეთ დროს ბუნებრივია, გიწევს საეჭვო რეპუტაციის მქონე ექსპერტების ჩართვა და ასე შემდეგ. ეს ყველაფერი არის სიმულაციის ლოგიკური გაგრძელება. ადგილი აქვს 450-დღიან სიმულაციას და ბუნებრივია, ასეთ დროს გიწევს არა მაღალი რეპუტაციის მქონე ექსპერტების ჩართვა საქმეში, არამედ სწორედ საეჭვო რეპუტაციის მქონე ექსპერტების ჩართვა. ამ სიმულაციას სინამდვილეში აქვს ერთადერთი მიზანი, რაღაცნაირად შექმნას არა საფუძველი, არამედ საბაბი შეწყალებისთვის, მაგრამ სიმულაცია წესით არაფერი საფუძველი არ უნდა იყოს. 450-დღიანი სიმულაცია არის ის, რაც მგონი საზოგადოებას თავიდან ბოლომდე მობეზრდა“, - განაცხადა ირაკლი კობახიძემ.