"ანაკლიის პორტის განვითარებისთვის ყველაფერი გაკეთდება"- ირაკლი კობახიძე
პარტია „ქართული ოცნების“ თავმჯდომარის, ირაკლი კობახიძის განცხადებით, „ანაკლიის განვითარების“ კონსორციუმმა, რომელსაც მამუკა ხაზარაძე ხელმძღვანელობდა, არაეფექტური საქმიანობის შედეგად, ვერანაირი ინვესტიციის მოზიდვა ვერ მოახერხა.
კობახიძის თქმით, ყველაფერი გაკეთდება, რათა განვითარდეს ანაკლიის პორტი, რომელსაც ქვეყნისთვის სტრატეგიული მნიშვნელობა აქვს.
„ჩვენთვის ინვესტიციები მხოლოდ და მხოლოდ მისასალმებელია. იცით, რომ წლების განმავლობაში კონსორციუმმა, რომელსაც ხელმძღვანელობდა ხაზარაძე, ვერ მოახერხა ინვესტიციების მოზიდვა, ვერც დასავლურის, ვერც აღმოსავლურის, ვერც სამხრეთულის და ვერანაირი ინვესტიციის მოზიდვა ვერ მოახერხა. ეს არის მათი არაეფექტური საქმიანობის შედეგი.
ჩვენ, რა თქმა უნდა, მივესალმებით ინვესტიციებს და ეს არის ჩვენი პოლიტიკა. ჩვენ გვაქვს ლიბერალური, ეკონომიკური პოლიტიკა და ინვესტიციებისთვის ჩვენი კარი ღიაა. აქედან გამომდინარე, რა თქმა უნდა, ყველაფერი გაკეთდება, რათა განვითარდეს ანაკლიის პორტი, რასაც აქვს სტრატეგიული მნიშვნელობა ჩვენი ქვეყნისთვის. სწორედ ამისთვის ჩაიწერა შესაბამისი ტექსტი კონსტიტუციაში ანაკლიასთან დაკავშირებით. ეს დღემდე რჩება ჩვენს პრიორიტეტად, ერთ-ერთ უმნიშვნელოვანეს პრიორიტეტად და დიდი იმედი მაქვს, რომ ძალიან მალე დაიწყება ის პროცესი, რომელიც ძალიან მალე ანაკლიისი პორტის მშენებლობით დამთავრდება“, – განაცხადა ირაკლი კობახიძემ.
სიახლეები
- ყოვლადწმინდა სამების საპატრიარქო ტაძარში საქართველოს მართლმადიდებელი ეკლესიის გაფართოებულ კრებაზე საქართველოს 142-ე პატრიარქი აირჩიეს
- ,,დღეს ისტორიული მოვლენის წინაშე ვდგავართ, ყოვლადწმინდა სამების ამ დიდებულ ტაძარში შეკრებილნი სრულად ვართ მინდობილნი ღვთის განგებულებას"- მეუფე შიო
- ,,ღვთის განგებას ვერ გადავწყვეტ, როგორც უფალი განაგებს ისე იქნება"- მეუფე იოანე
- ,,მშვიდობა იზეიმებს და საქართველო გაიმარჯვებს" - მეუფე გრიგოლი
- სამეგრელოში უკანონო ცეცხლსასროლი იარაღები და საბრძოლო მასალა ამოიღეს