„პრეზიდენტის წარმომადგენელმა თქვა, კონკრეტული შედეგისთვის არ მიდიოდა, ისე, უბრალოდ წავიდაო, ამიტომ 52-ე კი არა, 49-ე მუხლის მესამე ნაწილით იხელმძღვანელა და წავიდაო. იმავე მუხლის პირველი ნაწილის მიხედვით, სახელმწიფოს მეთაურია – მათი ლოგიკით, შეუძლია მართოს ქვეყანა. მეორე ნაწილის მიხედვით, თავდაცვის ძალების უმაღლესი მთავარსარდალია – მათი ლოგიკით, თავდაცვის სამინისტრომ და ჯარმა მისი მითითებები უნდა შეასრულოს. საპრეზიდენტო მმართველობა გვქონია და არ ვიცოდით. სტატუსის მუხლია ეგ, სტატუსის, უფლებამოსილების 52-ე მუხლია. მთლად ასეთ გიჟურ არგუმენტებსაც არ ველოდი, მმართველობის ფორმა დააყენეს ეჭვქვეშ. არა რუსულ მოდელს, ვითხოვთ საპარლამენტო მმართველობას“, – წერს მამუკა მდინარაძე.

საკონსტიტუციო სასამართლოში საქართველოს პრეზიდენტის წინააღმდეგ საკონსტიტუციო სარჩელის არსებითი განხილვა მიმდინარეობს. საკონსტიტუციო სასამართლოში პრეზიდენტის წარმომადგენლები თამარ ჩუგოშვილი და მაია კოპალეიშვილი არიან.