"ჩინეთთან ურთიერთობების გამყარებას აშშ და ევროკავშირი ცდილობენ, ქართული ოპოზიციის აზრით კი, საქართველო ჩინეთს უნდა გაებუტოს"
ოპოზიცია ჩინეთთან ურთიერთობებზე ვიდრე დაიწყებს საუბარს, მანამდე გადაურეკონ აშშ-ს პრეზიდენტს, შვეიცარიის სახელმწიფოს მეთაურს, ევროკავშირის ხელმძღვანელობას და განცხადებები ჩინეთზე ამის შემდეგ გააკეთონ, – ამის შესახებ „ხალხის ძალის“ წევრმა, გურამ მაჭარაშვილმა განაცხადა.
მისი თქმით, ჩინეთი კი არ შემოდის, არამედ უკვე შემოვიდა მსოფლიო პოლიტიკაში ერთ-ერთ მძლავრ სახელმწიფოდ.
„რადიკალური ოპოზიცია ვერც კი ხვდება, რა განცხადებებს აკეთებს ამ თემაზე. მაშინ, როდესაც ჩინეთთან ურთიერთობების გამყარებას აშშ ცდილობს, შვეიცარიამ ჩინეთთან სავაჭრო შეთანხმება უკვე გააფორმა და ევროკავშირი ურთიერთობების გაღრმავებას ცდილობს, ამ დროს ქართული ოპოზიციის აზრით, საქართველო ჩინეთს უნდა გაებუტოს. ეს მათი პოლიტიკური უსუსურობაა. ჩინეთი კი არ შემოდის, არამედ უკვე შემოვიდა მსოფლიო პოლიტიკაში ერთ-ერთ მძლავრ სახელმწიფოდ. შესაბამისად, საქართველოს არჩევანი „შუა დერეფნის“ პოლიტიკიდან გამომდინარე ბუნებრივად იქნება, რათა ჩინეთთან ახლო ურთიერთობები განვავითაროთ. ოპოზიცია ჩინეთთან ურთიერთობებზე ვიდრე დაიწყებს საუბარს, მანამდე გადაურეკონ აშშ-ს პრეზიდენტს, შვეიცარიის სახელმწიფოს მეთაურს, ევროკავშირის ხელმძღვანელობას და განცხადებები ჩინეთზე ამის შემდეგ გააკეთონ“, – განაცხადა მაჭარაშვილმა.
სიახლეები
- ქუთაისში WISE-WASTE პროექტის სასტარტო პრესკონფერენცია გაიმართა
- უცხოური ვალუტის ოფიციალური კურსი 14 მაისიდან
- "ევროპარლამენტმა „იმედს“ საქმიანობა ერთი წლით აუკრძალა, მოლდოვამ კი, „იმედს“, „რუსთავი 2“-სა და „პოსტივის“ აკრედიტაციაზე უარი უთხრა"
- სვეტიცხოვლის საკათედრო ტაძარში შიო III-ის აღსაყდრება შედგა
- "იმ პოლიციელებმა, სპეცრაზმელებმა, რომლებიც მონაწილეობდნენ ადამიანების მიმართ ძალადობაში, კანონის წინაშე პასუხი უნდა აგონ, ეს ძალიან მნიშვნელოვანია"