"წინა ხელისუფლების წინააღმდეგ ერთად ვიბრძოდით, ამდენი წელია, ერთმანეთს თანამებრძოლად მოვიაზრებდით"
წულუკიანმა მადლობა გადაუხადა საქართველოს ყოფილ პრემიერ-მინისტრს, ირაკლი ღარიბაშვილს და განაცხადა, რომ ღარიბაშვილის ხელმძღვანელობით, საქართველოს მთავრობამ შეძლო საქართველოს პარლამენტთან და სხვა სახელისუფლო სტრუქტურებთან ერთად შეენარჩუნებინა ქვეყანაში მშვიდობა და სტაბილურობა.
„დღეს პრემიერ მინისტრ ირაკლი კობახიძის ხელმძღვანელობით გაიმართა საქართველოს მთავრობის პირველი სხდომა. დღევანდელი მთავრობის პირველი სხდომა ახალი პრემიერის ხელმძღვანელობით შესანიშნავი შესაძლებლობაა იმისათვის, რომ მე, როგორც ამ მთავრობის წევრმა, მას წარმატებები ვუსურვო და მადლობა გადავუხადო ბატონ ირაკლი ღარიბაშვილს, რომლის პირობებშიც ბოლო რამდენიმე წელიწადის განმავლობაში ძალიან ბევრი ვიმუშავეთ. ვიმუშავეთ ერთად და მისი ხელმძღვანელობით საქართველოს მთავრობამ შეძლო საქართველოს პარლამენტთან და სხვა სახელისუფლო სტრუქტურებთან ერთად შეენარჩუნებინა ამ ქვეყანაში სტაბილურობა, მშვიდობა და ეჩვენებინა საკმაოდ შთანმბეჭდავი ეკონომიკური ზრდა.
ჩვენ დღეს მოგვეცა შესაძლებლობა, დაგვესახა სამომავლო მუშაობის გეგმები და ასევე ძირითად მიმართულებებზე გვესაუბრა და შევთანხმებულიყავით იმაზე, რომ ინდივიდუალურ რეჟიმში მოხდება სამინისტროების ხელმძღვანელობასთან შეხვედრები, რათა მომავალი თვეების სამუშაო კარგად ჩამოყალიბდეს და მთავრობამ, როგორც ერთმა ერთიანმა გუნდმა, კიდევ უფრო მაღალი შედეგი აჩვენოს, ვიდრე ეს იყო აქამდე.
მინდა, ბატონ ირაკლი კობახიძეს წარმატებები ვუსურვო. ჩვენ წინა ხელისუფლების წინააღმდეგ და იმ უსამართლობების წინააღმდეგ, რომელიც მაშინ ქვეყანაში სუფევდა, „ქართული ოცნების“ ფარგლებში ერთად ვიბრძოდით. რა თქმა უნდა, ამდენი წლის მანძილზე თანამებრძოლად მოვიაზრებდით ერთმანეთს და მადლობას ვუხდი მას კვლავ გამოცხადებული ნდობისათვის“,- განაცხადა თეა წულუკიანმა.
სიახლეები
- „რუსეთს იმედი აქვს, რომ „თეთრ სახლში თავის კაცს დასვამს“ და ამით ნატოს ძლიერებას დაასუსტებს“ – უცხოური პრესა
- "ცვლილებები ჩვენი მხრიდან, ბუნებრივია, ვერ დაიგეგმება გამომდინარე იქიდან, რომ ხვალ მესამე მოსმენით მიიღება კანონი"- პრემიერი
- უცხოური ვალუტის ოფიციალური კურსი 14 მაისისთვის
- "სრული პასუხისმგებლობით გეუბნებით, ტყუილად არ დაუკავებიათ არავინ, ეს ადამიანები ახორციელებდნენ ძალადობას"
- "გდდ-ს ყველა თანამშრომელი ეჭვმიტანილია არაადამიანურ მოპყრობაში, წამებასა და სისხლის სამართლის დანაშაულის ჩადენაში"