"ქალებს პრიორიტეტს მივანიჭებთ, მაგრამ არ უნდა გვქონდეს დამოკიდებულება, რომ ქალი პარლამენტში იმიტომაა, რომ ქალია"
ქალთა კვოტირება ხელს არ უწყობს და არც შეუწყობს ქალთა პოლიტიკაში ჩართულობას, რადგან ისტორიულადაც ვიცით, რომ თუ ამის შესაძლებლობა არსებობს, ქალი ყოველთვის წარმატებული იქნება, – ამის შესახებ „ხალხის ძალის“ წევრმა, გურამ მაჭარაშვილმა საქართველოს პირველ არხს განუცხადა.
მაჭარაშვილის თქმით, დაუშვებელია, რომ ქალი საარჩევნო სიაში ხელოვნურად შეიყვანო მხოლოდ იმიტომ, რომ ის არის ქალი.
„რაც შეეხება ოპონენტებს, არ მგონია, რომ ფულიანი ქალის სიაში ჩასმაც იყოს ცუდი. მათი განცხადება დისკრიმინაციულია. თუ უნდათ, ყოველი მეორე და მესამე ქალი ჩასვან სიაში ან ყველა ქალი ჩასვან, ვინ უშლით. რა თქმა უნდა, ქალებს პრიორიტეტს მივანიჭებთ, მაგრამ ეს ხელოვნურად არ უნდა მოხდეს, რადგან ეს არის დისკრიმინაცია. დამოკიდებულება არ უნდა იყოს, რომ ქალი პარლამენტში იმიტომაა, რომ მხოლოდ ქალია“, – განაცხადა მაჭარაშვილმა.
სიახლეები
- ცესკოს თავმჯდომარემ საერთაშორისო ორგანიზაციებისა და დიპლომატიური კორპუსის წარმომადგენლებს მიმდინარე საარჩევნო საკითხები გააცნო
- საარჩევნო ადმინისტრაციამ ახალი პროექტი „საარჩევნო მედია სკოლა“ დაიწყო
- ქვეყნის მასშტაბით 207 საარჩევნო უბანზე იმიტირებული კენჭისყრა ჩატარდა
- საარჩევნო ადმინისტრაციის მორიგი სამუშაო შეხვედრა მედიის წარმომადგენლებთან
- აფხაზეთიდან დევნილებს ქუთაისში უფასო სამედიცინო გამოკვლევები ჩაუტარდათ