"აქ დგომა ყოველდღე, ყოველ საღამოს, ღამეების თენება, არც საქმე და არც ტვირთია - ამ იდიოტებს არ ესმით, რომ ეს არის თითოეული ჩვენგანის პრივილეგია" - ზურაბ ჯაფარიძე
აქ დგომა ყოველდღე, ყოველ საღამოს, ბევრი საათი, ღამეების თენება, არც საქმე და არც ტვირთია. ამ იდიოტებს არ ესმით, რომ ეს არის თითოეული ჩვენგანის პრივილეგია, - ამის შესახებ „გირჩი - მეტი თავისუფლების“ ლიდერმა ზურაბ ჯაფარიძემ პარლამენტთან სიტყვით გამოსვლისას განაცხადა.
როგორც ჯაფარიძემ აღნიშნა, გამარჯვების ერთადერთი გზა ერთობაა.
„ეს არის ცივილიზაციური ბრძოლა, აი, ისეთი, წიგნებში რომ წაგიკითხავთ, სადაც არამხოლოდ ჩვენი და ჩვენი შვილების ბედი წყდება, არამედ რაღაც თვალსაზრისით, სამყაროს ამ ნაწილის ბედი წყდება. ეს არ არის მარტო ჩვენი ამბავი, ამის გააზრებით აქ გამოსვლა, ძალიან მნიშვნელოვანია. აქ დგომა ყოველდღე, ყოველ საღამოს, ბევრი საათი, ღამეების თენება, არც საქმე და არც ტვირთია. ამ იდიოტებს, არ ესმით, რომ ეს არის თითოეული ჩვენგანის პრივილეგია, რადგან არ არსებობს ცხოვრებაში უფრო დიადი და უფრო ღირსეული მიზანი, ვიდრე თავისუფლებისთვის ბრძოლა. ამ ბრძოლას სჭირდება ერთობა, ერთობა ერთადერთი გზაა გამარჯვების“, - განაცხადა ჯაფარიძემ.
სიახლეები
- "ოქრუაშვილის დაკავებაზე: თუ ყოფნის ადამიანს სითამამე, რომ დაარღვიოს კანონი, დარწმუნებული ვარ, იმის სითამამეც ეყოფა, მიიღოს ის შედეგი, რაც კანონის დარღვევას მოჰყვება" - პაპუაშვილი
- " ყველაფერს გავაკეთებ, რომ მშვიდობა დამყარდეს" - რომის პაპი
- სასამართლომ ირაკლი ოქრუაშვილს გირაო პატიმრობით შეუცვალა
- ,,არ მგონია, „MEGOBARI აქტი“ ისეთი საკითხი იყოს, რომ ტრამპს უღირდეს, სენატს ან წარმომადგენელთა პალატას დაუპირისპირდეს"- ზურაბ ჯაფარიძე
- ,,უკრაინა მზად არის დიალოგის ნებისმიერი ფორმატისთვის, მაგრამ აქვს პირობა"- ანდრეი ერმაკი