" მივმართავ პრეზიდენტს, ახალი კონსტიტუციის ტექსტზე სამუშაოდ გარემო შექმნას და ეცადოს, რომ პარტიები შეითანხმოს, როგორ შეიძლება მოხდეს ხელისუფლების ერთპიროვნული "- იაგო ხვიჩია
მივმართავ პრეზიდენტს, რომ ახალი კონსტიტუციის ტექსტზე სამუშაოდ გარემო შექმნას და ეცადოს, რომ პარტიები შეითანხმოს, როგორ შეიძლება მოხდეს ხელისუფლების ერთპიროვნული მმართველობის ჩანაცვლება, რომ ეს პრობლემა აღარ დადგეს, - ამის შესახებ პარტია “გირჩის” წევრმა, იაგო ხვიჩიამ საქართველოს პრეზიდენტის, სალომე ზურაბიშვილის ახალ ინიციატივაზე საუბრისას განაცხადა.
ხვიჩიას თქმით, რეფერენდუმის ჩატარება არარეალისტურია გამომდინარე იქიდან, რომ ამაში “ქართული ოცნების” თანხმობაა საჭირო.
როგორც ხვიჩიამ აღნიშნა, პრეზიდენტს შეიძლება ჰქონდეს იმისი ინტერესი, აჩვენოს, რომ “ქართული ოცნება” თანახმა არ არის ასეთ რეფერენდუმზე.
“მე არარეალისტური მგონია ეს, გამომდინარე იქიდან, რომ ამაში “ქართული ოცნების” თანხმობაა საჭირო. პრემიერის თანახელმოწერას საჭიროებს და ამ საკითხზე “ქართული ოცნების” მიერ რეფერენდუმის ჩატარების ნაკლებად მჯერა.
პრეზიდენტს შეიძლება ჰქონდეს იმისი ინტერესი, აჩვენოს, რომ „ქართული ოცნება” თანახმა არ არის ასეთ რეფერენდუმზე, მაგრამ რეალისტურობა ძალიან საეჭვოა, რადგან არ მგონია, რომ “ქართული ოცნება” ამ რეფერენდუმს ჩაატარებს.
ჩემი აზრით, ჩვენ ახალი კონსტიტუციის შექმნაზე უნდა დავიწყოთ მუშაობა. კონსტიტუციაში ეს მართლაც წერია, მაგრამ ეს “ქართული ოცნების” მიერ ერთპიროვნულად მიღებული და ამავე “ოცნების” მიერ ერთპიროვნულად დარღვეული კონსტიტუცია. ახლა მთელი ოპოზიციური სპექტრი ახალ კონსტიტუციაზე უნდა მუშაობდეს”, - განაცხადა იაგო ხვიჩიამ.
სიახლეები
- ,,არ მგონია, „MEGOBARI აქტი“ ისეთი საკითხი იყოს, რომ ტრამპს უღირდეს, სენატს ან წარმომადგენელთა პალატას დაუპირისპირდეს"- ზურაბ ჯაფარიძე
- ,,უკრაინა მზად არის დიალოგის ნებისმიერი ფორმატისთვის, მაგრამ აქვს პირობა"- ანდრეი ერმაკი
- იმერეთის პოლიციამ განსაკუთრებით დიდი ოდენობით ნარკოტიკი ამოიღო
- კახეთის პოლიციამ სახელმწიფო საზღვრის უკანონოდ გადაკვეთისა და ცეცხლსასროლი იარაღის მართლსაწინააღმდეგო შეძენა-შენახვის ფაქტებზე უცხო ქვეყნის 5 მოქალაქე დააკავა
- ,,ჩემი მეუღლე დაახლოებით ერთი კვირის დაჭერილი იყო, სააკაშვილის ძმის იურისტმა და მეგობარმა, ლევან პატეიშვილმა მითხრა, ადეიშვილმა და სააკაშვილმა შემოგითვალეს, 20 მილიონ დოლარს თუ გადაიხდი, საქმეს დავხურავთო"- ნანა ქადაგიშვილი