„მე არ ვიქნები საარჩევნო (პარტიულ) სიაში. მიმაჩნია, რომ უნდა დავრჩე პარტიის, კოალიციის ლიდერად და ყველაფერი გავაკეთო ბიძინა ივანიშვილის რეჟიმის შეცვლისთვის და ქვეყნის შემდგომი განვითარებისთვის. კვლავ მე ვრჩები კამპანიის ხელმძღვანელადაც, მე ვრჩები კოალიციის ლიდერადაც, მე ვრჩები პარტია „ახალის“ ლიდერადაც, მაგრამ პარლამენტში მინდა, რომ გზა გაეხსნას ახალ ადამიანებს", ჩემი კონკრეტული ერთი მაგალითით მინდა სხვა პარტიებს და ზოგადად საზოგადოებას ვუთხრა ჩემი პოზიცია: მივცეთ ფართო გზა ახალ პოლიტიკურ აქტორებს. ჩვენ ვიყოთ პოლიტიკაში, ვაკეთოთ მნიშვნელოვანი საქმეები, მაგრამ ხალხთან მნიშვნელოვანია კომუნიცირებდნენ ასევე ისინი, ვინც რეალურად ახლა იწყებს პოლიტიკურ გზას. მე პერსონალურად ხელი მაქვს მოწერილი (ჩვენს პარტიასა და კოალიციასაც) „ქართულ ქარტიაზე“, რომელიც პრეზიდენტის ინიცირებული იყო და ჩვენ ამ „ქარტიის“ ერთგული ვრჩებით, სადაც მკაფიოდ არის განსაზღვრული, რომ მომავალი, ე.წ. გარდამავალი მთავრობის ხელმძღვანელი იქნება არაპარტიული კანდიდატი“, - დაამატა გვარამიამ.

პოლიტიკურ პარტიებს ცესკოში პარტიული სიის წარსადგენად ბოლო ვადა 26 სექტემბერს აქვთ. საქართველოში საპარლამენტო არჩევნები 26 ოქტომბერს გაიმართება. დეპუტატებს მხოლოდ პროპორციული სისტემით აირჩევენ. პარლამენტის წევრთა მანდატები განაწილდება იმ პოლიტიკურ პარტიებზე, რომლებიც 5%-იან ბარიერს გადალახავენ.