„ახალი ტექნიკა შევიძინეთ, წყლის ჭავლის მანქანები შევიძინეთ, წინა მთავრობის მიერ 2006 ან 2007 წელს შეძენილი მანქანები უკვე დიდი ხნის იყო. მოკლედ, ეს განვაახლეთ. რამდენიმე ცალი, სხვადასხვა მოდიფიკაციის“, - თქვა გომელაურმა.

ჟურნალისტის შეკითხვაზე, როდის აპირებთ გამოყენებას, გომელაურმა უპასუხა: „როდესაც საჭირო იქნება“. გარდა ამისა, მინისტრის თქმით, განახლდა სპეცდანიშნულების რაზმის შეიარაღება - შეძენილია როგორც ავტომატური ცეცხლსასროლი იარაღები, ასევე პისტოლეტები და ა.შ.

შს მინისტრმა აღნიშნა, რომ ახალი ბაზა მოიცავს განსაკუთრებულ დავალებათა დეპარტამენტის სპეცრაზმელების საცხოვრებელს, სასადილოს და სასწავლო ოთახებს.

შეერთებულმა შტატებმა საქართველოს ოთხ მოქალაქეს სანქციები 16 სექტემბერს დაუწესა. მათ შორის არიან პოლიციის მაღალჩინოსნებიც:

• ზვიად ხარაზიშვილი ("ხარება") შსს-ს განსაკუთრებულ დავალებათა დეპარტამენტის დირექტორი;
• მილერი ლაგაზაური, „ხარებას“ მოადგილე.