"ყველამ იცის, რომ პარლამენტის პირველ შეკრებამდე სიების ჩახსნა არის შეუძლებელი, როცა გაიმართება პარლამენტის პირველი სესია, ყველა დეპუტატის უფლებამოსილება იქნება ცნობილი"- პრემიერი
ასეთ ნაბიჯები, რაც საქართველოს კანონმდებლობას ეწინააღმდეგება, მხოლოდ პიარულ მიზნებზეა გათვლილი, მეტი დატვირთვა ვერ ექნება. ყველამ იცის, რომ პარლამენტის პირველ შეკრებამდე სიების ჩახსნა შეუძლებელია, - ამის შესახებ პრემიერმა, ირაკლი კობახიძემ ბაქოში ჟურნალისტებთან საუბრისას განაცხადა, რითაც სიების გასაუქმებლად, ცესკოსადმი „ერთიანობა ნაციონალური მოძრაობის“ და „კოალიცია ცვლილებისთვის“ მიმართვა შეაფასა.
პრემიერის თქმით, როდესაც გაიმართება პირველი სესია ყველა დეპუტატის უფლებამოსილება იქნება ცნობილი, ამის შემდეგ კი თუ ვინმეს სურს, შეუძლია მიმართოს საქართველოს პარლამენტს ან ცესკოს სიების ჩახსნასა და მანდატის შეწყვეტაზე.
„როგორც მოგეხსენებათ, საქართველოს კონსტიტუცია და კანონმდებლობა შეიცავს საბოტაჟის საწინააღმდეგო მექანიზმებს. ჩვენ ეს მექანიზმი გამოვიყენეთ 4 წლის წინაც, გამოვიყენებთ ახლაც. ასეთი ნაბიჯები, რაც საქართველოს კანონმდებლობას ეწინააღმდეგება, მხოლოდ პიარულ მიზნებზეა გათვლილი, მეტი დატვირთვა ვერ ექნება. ყველამ იცის, რომ პარლამენტის პირველ შეკრებამდე სიების ჩახსნა შეუძლებელია, შესაბამისად, როცა გაიმართება პირველი სესია ყველა დეპუტატის უფლებამოსილება იქნება ცნობილი. ამის შემდეგ თუ ვინმეს სურს მიმართოს საქართველოს პარლამენტს ან ცესკოს სიების ჩახსნაზე, მანდატის შეწყვეტაზე, კი ბატონო, შეუძლიათ გააკეთონ, ეს ხდება მხოლოდ პირველი სესიის შემდეგ“,- აღნიშნა პრემიერმა.
სიახლეები
- ხაჭოს პასკა
- საკანონმდებლო პაკეტი, რომლის მიხედვითაც, საერთაშორისო დონორი ორგანიზაციები გრანტს მთავრობის თანხმობის გარეშე ვეღარ გასცემენ, პარლამენტმა პირველი მოსმენით მიიღო
- თბილისში დაკარგული მოზარდები იპოვეს
- "პარტია არ შეიძლება იმართებოდეს ჩემი წერილებით ან ვიწრო ჯგუფის გადაწყვეტილებებით"- სააკაშვილი
- "კლასიკური პარტიიდან უნდა გარდავიქმნათ წინააღმდეგობის მოძრაობად; პარტია არ შეიძლება, იმართებოდეს ჩემი წერილებით" - სტატუსი სააკაშვილი “ნაცმოძრაობაზე”