შინაგან საქმეთა სამინისტრომ რადიაქტიური და ბირთვული მასალებით უკანონო ვაჭრობის საკითხებზე ინტერპოლის წევრი ქვეყნების შეხვედრას უმასპინძლა
საქართველოში ინტერპოლის ეროვნულმა ცენტრალურმა ბიურომ ინტერპოლის „გეიგერის“ სამუშაო ჯგუფის პირველ შეხვედრას უმასპინძლა, რომელიც მიმდინარე წლის 4-5 ივნისს თბილისში ჩატარდა.
ღონისძიება ინტერპოლის გენერალური სამდივნოს ინიციატივითა და მხარდაჭერით გაიმართა.
„გეიგერის“ (Geiger database) სამუშაო ჯგუფი ინტერპოლის წევრი ქვეყნებისგან შედგება და მის მიზანს წარმოადგენს იმ მეთოდოლოგიის გამოყენება, რომლის საშუალებითაც შესაძლებელი იქნება ინფორმაციის გაზიარება ბირთვული ან რადიაქტიური ნივთიერებების კონტრაბანდული გასაღების ხელშეწყობაში მხილებული ან ეჭვმიტანილი პირების შესახებ.
სამუშაო ჯგუფის პირველ შეხვედრაზე ყურადღება გამახვილდა რადიაქტიური და ბირთვული მასალებით ვაჭრობასთან დაკავშირებული საინფორმაციო ხარვეზების იდენტიფიცირებასა და პრიორიტეტების დასახვაზე.
მხარეები შეთანხმდნენ, რომ მომდევნო სამუშაო შეხვედრებზე განხილული იქნება მონაცემთა გაცვლისა და ინფორმაციის გაზიარების, ასევე, ანალიტიკური ანგარიშების მომზადების საკითხები.
შეხვედრის მონაწილეები გაეცნენ „გეიგერის“ მონაცემთა ბაზას, რომელიც ინტერპოლის ანალიტიკურ ბაზას წარმოადგენს და მუდმივად განახლებადია. მასში დაცულია ინფორმაცია ბირთვული ან რადიაქტიური ნივთიერებების კონტროლზე, კონტრაბანდული გასაღების მარშრუტებზე, მეთოდებსა და ეჭვმიტანილებზე. ასევე, მონაცემთა ბაზაში თავს იყრის განახლებული ინფორმაცია ქიმიური, ბიოლოგიური, რადიაციული და ბირთვული საფრთხეების შესახებ.
ინტერპოლის წევრი ქვეყნების წარმომადგენლები შეთანხმდნენ, რომ ინფორმაციის გაზიარების, ხარვეზების იდენტიფიცირების და შემდგომში აღნიშნული ხარვეზების გამოსწორების მიზნით, „გეიგერის“ სამუშაო ჯგუფში სამართალდამცავი, საბაჟო და სასაზღვრო სამსახურების, ასევე, მარეგულირებელი, საინფორმაციო და უსაფრთხოების სააგენტოების თავმოყრა მოხდება.
სიახლეები
- “გამოართვა თანხა და სცადა, მოტყუებით დაუფლებოდა 1800 ლარს” – სამსახურეობრივი მდგომარეობის გამოყენებით თაღლითობის ჩადენის ფაქტზე, ერთ პირს ბრალი წარედგინა
- “დონალდ ტრამპისა და ვლადიმერ პუტინის შეხვედრამ ყველა კითხვას გასცა პასუხი, რომ ეს იყო დასავლეთის და რუსეთის დაპირისპირება მესამე ქვეყნის ხელით და ამ ომში საქართველო არა თუ მოაზრებული, არამედ გეგმის ნაწილი იყო “ - მამუკა მდინარაძე
- “ტრამპი დიდი სიამოვნებით შესწირავდა უკრაინის და ევროპის ინტერესებსაც თავის მანიაკალურ სურვილს – ნობელის პრემია მიიღოს მშვიდობის დარგში” - მერაბ მეტრეველი
- ლიდერობის და შორსმჭვრეტელობის ინდექსით, საქართველოს ხელისუფლება ევროპის საუკეთესო ოცეულშია
- “ნათელი გახდა, თუ რაზე მოილაპარაკეს პუტინმა და ტრამპმა; ზელენსკი ამ კაპიტულანტურ მოთხოვნას არ დათანხმდება” - რომან გოცირიძე