„ჩვენ ვრჩებით „მტკიცე მხარდაჭერის მისიის“ და ჩვენი ავღანელი პარტნიორების ერთგულნი. ვინარჩუნებთ ფოკუსს ჩვენს მთავარ მიზანზე - ვუზრუნველყოთ, რომ ავღანეთი აღარასდროს იქნება გამოყენებული, როგორც ტერორისტების თავშესაფარი, რომლებიც შეერთებულ შტატებს, ჩვენს მოკავშირეებს და ჩვენს ინტერესებს ემუქრებიან“, - განაცხადა ამერიკის შეიარაღებული ძალების პრესსპიკერმა.

შაბათს, ამერიკულ მედიაში გავრცელდა ინფორმაცია ავღანეთში კონტიგენტის 4000 სამხედოთი შემცირების შესახებ. ტრამპის ადმინისტრაცია განცხადებას მიმდინარე კვირაში გააკეთებს.

„შეიარღებული ძალების გაყვანის საქმეს, არ აქვს კავშირი თალიბანთან მიმდინარე სამშვიდობო მოლაპარაკებებთან. ეს პრინციპულად უკვე შეთანხმებულია შეერთებული შტატების და ავღანეთის მთავრობებს შორის“, - აცხადებს ავღანეთის პრეზიდენტის პრესსპიკერის მოადგილე დავა ხან მინაპალი.

წყაროები „ამერიკის ხმას“ ეუბნებიან, რომ პროცესი რამდენიმე დღეში დაიწყება და „ეტაპობრივი“ იქნება. ტრამპმა, ამერიკულ მაუწყებელს „ფოქს ნიუსის რადიოს“ განუცხადა, რომ ის ავღანეთში ამერიკის ჯარების რაოდენობას 8600-მდე შეამცირებს.

უცხო ქვეყნის ძალების გაყვანა, თალიბანთან მიმდინარე მოლაპარაკებების ერთ-ერთი ცენტრალური ნაწილია. ტრამპმა დიალოგი სექტემბერში შეწყვიტა. ამის მიზეზი, თალიბანის მიერ ქაბულზე მიტანილ თავდასხმაში, ამერიკელი სამხედროს მკვლელობა გახდა.

აშშ და ავღანეთი მოლაპარაკებების მაგიდას, ერთი კვირის წინ დაუბრუნდნენ, თუმცა დიალოგი ხუთშაბათს შეწყდა, მას შემდეგ რაც თალიბანმა ბაგრამში, ქაბულის ჩრდილოეთით, ამერიკულ საავიაციო ბაზაზე თავდასხმა მიიტანა. თავდასხმის შედეგად, ორი ავღანელი სამოქალაქო პირი დაიღუპა და ბევრი დაიჭრა, მათ შორის ხუთი ქართველი ჯარისკაცი.

https://www.amerikiskhma.com/