,,მიშა არა მხოლოდ სუსტი, არამედ გაფარჩაკებული ნარცისია"- თამარ ჩერგოლეიშვილი
მიშა არა მხოლოდ სუსტი, არამედ გაფარჩაკებული ნარცისია, რომლის დროც დიდი ხანია წავიდა, – ასე ეხმაურება „ფედერალისტების“ ლიდერი თამარ ჩერგოლეიშვილი ნიკა გვარამიას მიერ გამოქვეყნებულ პოსტს სოციალურ ქსელში.
როგორც ჩერგოლეიშვილი წერს, ყოფილმა პრეზიდენტმა პოლიტიკური ინსტინქტი სრულად დაკარგა და მისი დრო პოლიტიკაში დიდი ხანია ამოწურულია.
„გვარამიას პოსტის სულისკვეთებას ვეთანხმები.
უბრალოდ მიშა არა მხოლოდ სუსტი, არამედ გაფარჩაკებული ნარცისია (მიუხედავად იმისა, გვარამიას რად ეჩვენება), რომელმაც პოლიტიკური ინსტინქტი მთლიანად დაკარგა და საკუთარი დელუზიური ახირებების ტყვეობაში არა მხოლოდ თავს, არამედ ყველას ანადგურებს, ვინც მასთან საქმეს იჭერს.
მისი დრო დიდი ხანია წავიდა, როგორც ქვეყნის შიგნით, ისე მის გარეთ – ძალმომრეობით, შანტაჟით და ბიძინას დახმარებით ტივტივებს და ბიძინასთან ერთად ისიც გაქრება – ერთი გარეცხვაა მისგან დარჩენილი.
ამომრჩეველი გააქრობს, თორემ მე მხოლოდ სამართლიანი წესებით ვაპირებ მასთან მოპყრობას“, – წერს თამარ ჩერგოლეიშვილი სოციალურ ქსელში.
სიახლეები
- ,,სააკაშვილის ფაქტორის ექსპლოატაციის გარდა, დიდი ხანია „ნაცმოძრაობამ“ არაფერი იცის, არც გაუკეთებია და არც შეუძლია"- ნიკა გვარამია
- ,,საქართველოში ყველა იძულებით გადაადგილებულ პირს, ლტოლვილსა და მათ შთამომავალს აქვს უფლება დაუბრუნდეს საკუთარ სახლს"-ანალენა ბერბოკი
- ,,მადლობას ვუხდით ყველა სახელმწიფოს, რომელიც დადგა საქართველოს გვერდით და მხარი დაუჭირა დევნილთა უსაფრთხო, ღირსეული და შეუფერხებელი დაბრუნების უფლებას"- მაკა ბოჭორიშვილი
- გაერო-ს გენერალურმა ასამბლეამ „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ“ რეზოლუცია მიიღო
- ტრამპი პუტინისა და ზელენსკის შეხვედრის იდეას მხარს უჭერს
