"ოლიგარქია უნდა დაემხოს, დიდება საქართველოს". - თქვა გვარამიამ მას შემდეგ, რაც ხელბორკილები დაადეს.

გვარამიას კომისიაზე გამოუცხადებლობისთვის, აღკვეთის ღონისძიების სახით შეფარდებული გირაო პატიმრობით დღეს, 13 ივნისს შეუცვალეს.

დღვანდელ პროცესზე პროკურატურამ გვარამიასთვის კომისიაზე გამოუცხადებლობისთვის, აღკვეთის ღონისძიების სახით შეფარდებული გირაოს გადაუხდელობის გამო, სასამართლოს აღკვეთის ღონისძიების პატიმრობით შეცვლის შუამდგომლობით მიმართა, რაც მოსამართლე ჯვებე ნაჭყებიამ დააკმაყოფილა.

გვარამია პროცესზე არ მივიდა და სხდომის პარალელურად, რუსთავის ციხისკენ თავად წავიდა. 

კომისიაზე გამოუცხადებლობისთვის გვარამიას 30 000-ლარიანი გირაო 17 აპრილს შეეფარდა. მას გირაოს გადახდისთვის 50-დღიანი ვადა მისცეს, რომელიც 7 ივნისს ამოიწურა. გვარამიამ გირაო არ გადაიხადა.