არმიის სასწავლო თვითმფრინავი F-7 BGI ორშაბათს, 21 ივლისს ჩამოვარდა სკოლის და კოლეჯის, Milestone-ის ტერიტორიაზე, ორსართულიან შენობასთან. 

თვითმფრინავის აფეთქებით გამოწვეულმა ხანძარმა შენობაც მოიცვა.

ბანგლადეშის არმიის ინფორმაციით, სასწავლო თვითმფრინავში ტექნიკური გაუმართაობა აფრენის შემდეგ დაფიქსირდა. მიმდინარეობს გამოძიება.

დაღუპულთა შორის არიან პილოტი, 25 მოსწავლე და ერთი პედაგოგი. დაშავებულთა უმრავლესობის მდგომარეობა მძიმეა.

ტრაგედიის გამო 22 ივლისი ბანგლადეშში ეროვნული გლოვის დღედ გამოცხადდა.