''წარმოუდგენელ რისხვას დაიტეხს თავს ბიძინა ივანიშვილი თუ ის სანქცირებულ რუს ოლიგარქებს ეკურკურება'' - ალეკო ელისაშვილი
წარმოუდგენელ რისხვას დაიტეხს თავს ბიძინა ივანიშვილი თუ ის სანქცირებულ რუს ოლიგარქებს ეკურკურება, - ამის შესახებ ჟურნალისტებთან „მოქალაქეების" დეპუტატმა ალეკო ელისაშვილმა განაცხადა.
მისი თქმით, თუ აუდიოჩანაწერი ავთენტურია და დასავლური დაზვერვის მიერ არის მოპოვებული, მას გაგრძელება აუცილებლად ექნება. ამასთან, ელისაშვილი მიიჩნევს, რომ სანქციები ქვეყანას არ შეეხება, რადგან უცხოელი პარტნიორები კარგად არჩევენ ერთმანეთისგან "ბიძინა ივანიშვილის და საქართველოს მოსახლეობის ინტერესს".
„რომ დადასტურდეს, აუდიოჩანაწერი ნამდვილია და ბიძინა ივანიშვილი სანქცირებულ ოლიგარქებთან რაღაც გარიგებებშია შესული, აქ უკვე საქართველოს პოლიტიკური პარტიების გადასაწყვეტი კი არ იქნება, სანქცია რუს ოლიგარქებს მთელმა მსოფლიომ დაადო ოკეან გაღმა თუ გამოღმა. წარმოუდგენელ რისხვას დაიტეხს ბიძინა ივანიშვილი თავზე თუ ის სანქცირებულ რუს ოლიგარქებს რაღაცას ეკურკურება, რომ ვერ წარმოუდგენია იმაზე მეტი რისხვა დაატყდება თავს. ამას უბრალო ხალხი ვერ ჩაწერდა, ამას ძალიან რთული ტექნიკა და ტექნოლოგია ჭირდება, ან ასე დადასტურდება ან ის, შეიძლება არ დადასტურდეს, მაგრამ თუ დადასტურდა, არანორმალური რისხვა დაატყდება თავს ივანიშვილს იმ ქვეყნებისგან, რომელსაც მარწუხებში ჰყავს რუსეთი თავის ოლიგარქებიანად. ეს თუ დასავლური დაზვერვის მიერ არის ჩაწერილი, გაგრძელებები მოჰყვება. ვფიქრობ, ეს ქვეყანაზე არ აისახება, რადგან უცხოელი პარტნიორები ვფიქრობ, ხედავენ, როგორი არანორმალური მხარდაჭერაა უკრაინის მიმართ ქართული მოსახლეობისგან, კარგად ასხვავებენ ივანიშვილის ინტერესს და საქართველოს მოსახლეობის ინტერესს,"- განაცხადა ელისაშვილმა.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე