"ამ ქვეყანაში თუ რამეა ანტიდასავლური, თუ ვინმე არღვევს ყველანაირ კანონს და უმოწყალოდ ძარცვავს ხალხს, ეს საბანკო სექტორია"
ამ ქვეყანაში თუ რამეა ანტიდასავლური, თუ ვინმე არღვევს ყველანაირ კანონს და უმოწყალოდ ძარცვავს ხალხს, ეს საბანკო სექტორი და ბანკებია, - ამის შესახებ პოლიტიკური მოძრაობა „ტრიბუნას“ ლიდერმა, დავით ჭიჭინაძემ განაცხადა.
როგორც ჭიჭინაძე აღნიშნავს, საქართველოში თუ ვინმე არის დასასანქცირებელი, ერთ-ერთი პირველი ბანკირები და საბანკო სექტორია.
„ამ ქვეყანაში თუ რამეა ანტიდასავლური, თუ ვინმე არღვევს ყველანაირ კანონს და უმოწყალოდ ძარცვავს ხალხს, ეს საბანკო სექტორი და ბანკებია.
ხელისუფლებაც ხომ სწორედ მათი მეშვეობით ფლობს ყველაფერს და იმონებს ადამიანებს, რადგან ჩვენში ცალკე ბიზნესი და ცალკე ხელისუფლება უბრალოდ არ არსებობს.
ამიტომ, საქართველოში თუ ვინმე არის დასასანქცირებელი, ეს ერთ-ერთი პირველი ბანკირები და საბანკო სექტორია.
ევროკავშირშიც ხომ იმიტომ გვინდა, ჩვენი ცხოვრების დონემ რომ აიწიოს.
ხალხის სახლებიდან გამოყრა, ადამიანების ამხელა პროცენტებით გატყავება კი, დასავლური სტანდარტი ნამდვილად არ არის.
ჰოდა დაიწყონ თუნდაც ბანკებით. მით უმეტეს რომ, ამ შემთხვევაში ავტომატურად ჩინოვნიკების დასანქცირებაც მოხდება“,- აცხადებს დავით ჭიჭინაძე, რომლის კომენტარსაც პარტიის პრესსამსახური ავრცელებს.
სიახლეები
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი
- " ვხედავთ ძალადობას: ოპონენტების ცემა, დაშინება, დემონსტრაციების დარბევა, რეპრესიები და სხვა სასტიკი მეთოდები, ამას არაფერი აქვს საერთო ევროპასთან"
- დღეს, აქცია-პერფორმანსი "გზავნილი ქუთაისიდან" - კი ევროპას! არა რუსულ კანონს!" გაიმართა