"დარწმუნებული ვარ, საქართველოს მომავალი ევროკავშირის ოჯახშია" - შრლ მიშელი
აბსოლუტურად დარწმუნებული ვარ, რომ საქართველოს მომავალი ევროკავშირის ოჯახშია. სწორი გადაწყვეტილებები საქართველოს მთავრობის მისაღებია, რათა მოხდეს საჭირო რეფორმების იმპლემენტაცია, – ამის შესახებ ევროპული საბჭოს პრეზიდენტმა, შარლ მიშელმა ევროპული პოლიტიკური გაერთიანების მეორე სამიტის დაწყებამდე განაცხადა,
მიშელის თქმით, „ქართველმა ხალხმა იცის, რომ მათ შეუძლიათ ჰქონდეთ მისი პირადი მხარდაჭერისა და ევროკავშირის მხარდაჭერის იმედი“.
„იმედი მაქვს, რომ მომდევნო თვეებში გაიხსნება შესაძლებლობების ფანჯარა, რათა მკაფიო არჩევანი გაკეთდეს. არა რუსების გასახარად, არამედ მკაფიო არჩევანის გასაკეთებლად, რათა უზრუნველყოფილი იყოს, რომ საქართველოს მომავალი იქნება დაფუძნებული ამ ფუნდამენტურ, ევროპულ ღირებულებებზე – მშვიდობაზე, კეთილდღეობაზე, ეკონომიკურ და სოციალურ განვითარებაზე“, – აღნიშნა შარლ მიშელმა.
კითხვაზე, ხომ არ გეგმავს საქართველოში ვიზიტს, შარლ მიშელი აცხადებს, რომ მოხარული იქნებოდა, კიდევ ერთხელ ჩამოსულიყო საქართველოში, რათა შეხვედროდა ქართველ ხალხს. „საქართველოს პრეზიდენტმა მიმიწვია და ვნახოთ, რამდენად შესაძლებელი იქნება კიდევ ერთხელ საქართველოში ვიზიტი“, – აღნიშნა მიშელმა.
რაც შეეხება საქართველოსთვის წლის ბოლოს ევროკავშირის კანდიდატი წევრის სატატუსის მინიჭების შესაძლებლობაზე დასმულ კითხვას, შარლ მიშელი პასუხობს: „ჩვენ გვაქვს ძალიან მკაფიო პოლიტიკური დღის წესრიგი. ერთი მხრივ, ევროკავშირის მხარეს გაცნობიერებული აქვს, რომ მნიშვნელოვანია, გადაიდგას ნაბიჯები ევროკავშირის გაფართოების პროცესში. ევროკომისია ზაფხულის შემდეგ გამოაქვეყნებს წერილობით დასკვნას გაფართოების თემაზე. განვმეორდები და ვიტყვი, რომ ვგეგმავ, ეს თემა დღის წესრიგში დავაყენო წლის ბოლოსთვის“.
სიახლეები
- "ძალადობაა, როცა ზეწოლის გზით გაიძულებენ გაიმეორო მათი „მესიჯები" - კახა კალაძე
- "კანონის გაუქმებას ითხოვენ, რადგან არავის სიამოვნებს გამჭვირვალობა, ეს გასაგებია, თუმცა ვერ იქნება მისაღები ჩვენთვის"
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი