"შესაძლებელია, მოხდეს გარკვეულ წილად ახალი დათქმების დამატება" - ალექსი პეტრიაშვილი საქართველოსთვის კანდიდატის სტატუსის მინიჭებაზე
„რეალურად, ჩვენ სიმართლეს თვალებში უნდა ჩავხედოთ. უნდა ვიცოდეთ, რომ საერთაშორისო, ევროპული თანამეგობრობა, ევროკავშირის წევრი ქვეყნები, თვითონ ევროკომისია კეთილგანწყობილები არიან, რომ საქართველომ მიიღოს კანდიდატის სტატუსი,"- ამის შესახებ FirstNews.ge-თან საუბარში "რონდელის ფონდის" უფროსმა მკვლევარმა ალექსი პეტრიაშვილმა განაცხადა.
მისი თქმით, ძალიან მნიშვნელოვანია იმ 12 რეკომენდაციის შესრულება, რომელიც ევროკომისიის მიერ გასულ წელს განისაზღვრა.
"ამ რეკომენდაციების შეუსრულებლობის შემთხვევაში, რომ არ მოხდეს ხელაღებით უარის თქმა, ჩემი ვარაუდითა და ცალკეული ინფორმაციების გათვალისწინებით, რომელიც გამაჩნია, არის შესაძლებელი, რომ მოხდეს გარკვეულ წილად ახალი დათქმების დამატება. ანუ ეს საკითხი 2024 წლის არჩევნების ჩატარებას მიებას. რა თქმა უნდა, ეს არ არის დამტკიცებულად გახმაურებული ინფორმაცია, სხვადასხვა ვერსიებზე არის მსჯელობა და მეც ვფიქრობ, რომ შესაძლოა, ეს იყოს ერთგვარი კომპრომისული გამოსავალი ამ სიტუაციაში. თუ ევროკომისია არ დარწმუნდება, რომ ეს რეკომენდაციები სრულფასოვნად ან მნიშვნელოვან წილად შესრულდა, მაშინ, შესაძლოა იფიქრონ ერთგვარ გეოპოლიტიკურ გადაწყვეტილებაზე, რომელიც არ ნიშნავს უარს, რომელიც ნიშნავს, ამ პირობის აუცილებელი დათქმით შესრულებას. იმისდა მიხედვით, თუ როგორ ჩატარდება 2024 წლის არჩევნები,“ - განმარტა ჩვენთან საუბარში ალექსი პეტრიაშვილმა.
სიახლეები
- "ძალადობაა, როცა ზეწოლის გზით გაიძულებენ გაიმეორო მათი „მესიჯები" - კახა კალაძე
- "კანონის გაუქმებას ითხოვენ, რადგან არავის სიამოვნებს გამჭვირვალობა, ეს გასაგებია, თუმცა ვერ იქნება მისაღები ჩვენთვის"
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი