"ვისურვებდი, სალომე ზურაბიშვილს ბოლო ზარზე მაინც ჰქონდეს ნორმალური გამოსვლა" - გურამ მაჭარაშვილი
ვისურვებდი, სალომე ზურაბიშვილს ბოლო ზარზე მაინც ჰქონდეს ნორმალური გამოსვლა, – ამის შესახებ „ხალხის ძალის“ წევრმა, გურამ მაჭარაშვილმა საქართველოს პირველ არხს პრეზიდენტის წლიურ ანგარიშთან დაკავშირებით განუცხადა.
„სულ მცირე, ქვეყანა არ ლანძღოს, ხელისუფლება არ გააშავოს, არ თქვას, რომ შეცდომა იყო სტატუსი, ქვეყანაში დემოკრატია არ არის და როცა სავალუტო ფონდი ამბობს, აღმავლობაა, არ თქვას, დაღმავლობაა. დიდი მოლოდინი არ მაქვს, რადგან, სამწუხაროდ, უცხოურ ძალებს წარმოადგენს. მოვიდეს ბოლო ზარზე მსუბუქად, ცარიელი ჩანთით და დაემშვიდობოს საზოგადოებას, ასე კარგად წავიდეს“, – განაცხადა გურამ მაჭარაშვილმა.
საქართველოს პრეზიდენტმა, სალომე ზურაბიშვილმა პარლამენტს წლიური ანგარიში დღეს უნდა წარუდგინოს. აღნიშნული თარიღი რეგლამენტით არის განსაზღვრული. რეგლამენტის მიხედვით, პრეზიდენტის გამოსვლის დასრულების შემდეგ სიტყვით გამოდიან ფრაქციათა თავმჯდომარეები და საპარლამენტო უმრავლესობის ლიდერი.
გამოსვლების დასრულების შემდეგ საქართველოს პრეზიდენტი უფლებამოსილია, გამოვიდეს დასკვნითი სიტყვით. სალომე ზურაბიშვილის მიერ პრეზიდენტის რანგში ეს ბოლი წლიური ანგარიში იქნება.
სიახლეები
- "ძალადობაა, როცა ზეწოლის გზით გაიძულებენ გაიმეორო მათი „მესიჯები" - კახა კალაძე
- "კანონის გაუქმებას ითხოვენ, რადგან არავის სიამოვნებს გამჭვირვალობა, ეს გასაგებია, თუმცა ვერ იქნება მისაღები ჩვენთვის"
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი