ბოსტნეულის ჩაშუშული ანუ აჯაფსანდალი ვიტამინებით სავსე კერძია, რომელიც ზაფხულობით ყველა ქართულ ოჯახში მზადდება. მისი მომზადება ძალიან მარტივია და დიდ დროს არ წაგართმევთ, მაგრამ მთავარია, რომ აჯაფსანდალს ერთი წვეთი წყალიც კი არ სჭირდება, რაც მის სარგებელს რამდენჯერმე ზრდის. აჯაფსანდალი ძალიან დიეტურია და წონის დაკლების მსურველებისთვის იდეალური არჩევანია.
ყაბაყის აჯაფსანდლის მოსამზადებლად დაგჭირდებათ:
- ყაბაყი – 2-3 ცალი
- ხახვი – ერთი თავი
- ბულგარული წიწაკა – 2 ცალი;
- პომიდორი – 2-3 ცალი
- რეჰანი, ქინძი, ოხრახუში – გემოვნებით
- მწარე წიწაკა – გემოვნებით.
- მცენარეული ზეთი – 30 გრ (2 ს. კოვზი)
- ნიორი – გემოვნებით.
- მარილი – გემოვნებით.
მომზადების წესი:
1. ყაბაყი კარგად გარეცხეთ (სურვილის შემთხვევაში, შეგიძლიათ გაფცქვნათ, როგორც ბადრიჯანი) და დაჭერით დიდი ზომის ნაჭრებად.
2. გაფცქვენით ყველა ბოსტნეული და დაჭერით – ხახვი და ბულგარული წიწაკა წვრილად, კარტოფილი კი მსხვილ ნაჭრებად. პომიდორი რამდენიმე წუთით მდუღარე წყალში მოათავსეთ, შემდეგ ცივ წყალში გადაიტანეთ. ამის შემდეგ კანი გააცილეთ და ნახევარ რგოლებად დაჭერით.
3. ბოსტნეული ქვაბში ფენებად მოათავსეთ – ხახვი, ბულგარული წიწაკა, ყაბაყი, პომიდორი, მწვანილი, წიწაკა, მარილი. ამ თანმიმდევრობით გაიმეორეთ ყველა ფენა, სანამ ბოსტნეული არ დამთავრდება.
4. ქვაბი საშუალო ცეცხლზე დადგით და თავზე დაახურეთ. როცა ბოსტნეული წვენს გამოუშვებს და ადუღდება, ცეცხლს დაუწიეთ. ბოსტნეული ცოტა დაჭყლიტეთ, რომ მეტი წვენი გაუშვას, დაამატეთ დაგაჭყლეტილი ნიორი და წიწაკა.
აჯაფსანდალი დაბალ ცეცხლზე 15-20 წუთის განმავლობაში ხარშეთ და ცეცხლიდან გადმოდგით, დაჭრილი მწვანილი მოაყარეთ და ქვაბს თავი დაახურეთ.
