„რაც შეეხება მეორე ტალღას, ნურავის ენდობით 100 პროცენტით, ეს იქნება ჯანდაცვის მსოფლიო ორგანიზაციის გენერალური დირექტორი, ამერიკის დაავადებათა კონტროლისა და პრევენციის ცენტრის (CDC) დირექტორი, პრეზიდენტი, თუ გამოცდილი ექიმი ან ეპიდემიოლოგი. სინამდვილეში, არავინ არ იცის, მეორე ტალღა იქნება თუ არა და რა სიძლიერის იქნება, რადგან ჯერ ვერ გაირკვა ორი მთავარი რამ – კორონავირუსს ახასიათებს სეზონურობა, თუ არა. საქართველოს მაგალითზე თითქოს ახასიათებს, მაგრამ მსოფლიოს მაგალითზე – არა. თუ საქართველოში ახასიათებს სეზონურობა, სომხეთი აქვე არ არის? იქ რატომ არ ახასიათებს სეზონურობა, რატომ იზრდება დაინფიცირების შემთხვევები? ანუ, გაუგებარი დარჩა, სეზონურობა ახასიათებს თუ არა და მეორე, ის ტოვებს თუ არა მყარ იმუნიტეტს. ამ ორი მნიშვნელოვანი ფაქტის გარეშე, ყველაფერი არის მარჩიელობა და ვარაუდი, იქნება თუ არა მეორე ტალღა.ჩემი, როგორც სპეციალისტის, ადამიანის, რომელიც პირველივე დღიდან მოვლენათა შუაგულში ვიყავი და რაღაც წარმოდგენები შემექმნა, მოსაზრებაა, რომ მეორე ტალღა იქნება, მაგრამ ის არ იქნება ისეთი ძლიერი, როგორიც იყო პირველი ტალღა. მე არ მოვუწოდებ არავის, რომ გააგრძელონ მკაცრი შეზღუდვები, მაგრამ ვიმოქმედოთ გონიერების ფარგლებში. თავისუფლება ნიშნავს თავისუფლებას გონიერების ფარგლებში და არა იმის კეთებას, რაც მოგვესურვება. თუ ამას შევასრულებთ, მეორე ტალღა შედარებით უფრო სუსტი იქნება და იმ არასასიამოვნო დღეების ხელმეორედ გავლა არ მოგვიწევს“,- განაცხადა თენგიზ ცერცვაძემ.