სტიქიის ზონაში დახოცილი პირუტყვის ლეშის მასალები კვლევისთვის ლაბორატორიაში გაიგზავნება
სურსათის ეროვნული სააგენტოს ცნობით, სტიქიის ზონაში დახოცილი მსხვილფეხა რქოსანი პირუტყვის ლეშის ამოღება, ვეტერინარული ზედამხედველობით შესაბამის ორმოში განთავსება და დეზინფექცია ხდება, ხოლო პრევენციის მიზნით, მასალები შემდგომი კვლევისთვის ლაბორატორიაში გაიგზავნება.
"სტიქიის ზონაში დაფიქსირდა რამდენიმე ერთეული მსხვილფეხა რქოსანი ცხოველი, რომელიც მეწყერსაშიში ზონიდან არის გამოტანილი და მოხვდნენ მდინარის ხეობაში. ადგილობრივი თვითმმართველობის სამსახური ახორციელებს ამ ცხოველების ლეშის ამოღებას და შესაბამის ორმოში განთავსებას ვეტერინარიული ზედამხედველობის ქვეშ. იქ უკეთებენ დეზინფექციას. პრევენციის მიზნით ვიღებთ 10 მასალას ლაბორატორიაში შემდგომი კვლევისთვის. რეგიონი სუფთაა სხვადასხვა ინფექციური დაავადების მიმართ. არაა რაიმე სახის დაავადების კერა, არ გამოიხატება დაავადების მიმართ რაიმე სახის დამახასიათებელი კერა, მაგრამ ჩვენ პრევენციის მიზნით მაინც ვიღებთ და ვაგზავნით ლაბორატორიაში შემდგომი კვლევისთვის. არ არის დიდი რაოდენობით, ერთეული შემთხვევებია, მაგრამ ამასაც მაინც სანიტარული ნორმების დაცვით უნდა ამოღება და განთავსება. მეპატრონეებთან გვქონდა გასაუბრება და როგორც გვეუბნებიან, დიდი რაოდენობით არაა, ერთეული შემთხვევებია, შეიძლება, სამი, მაქსიმუმ ხუთი იყოს დაკარგული. აბსოლუტურად არ ახასიათებს არცერთი სახის დაავადებისთვის დამახასიათებელი კლინიკური ნიშნები. სტიქიის ზონაში არიან დაზიანებული, დამხრჩვალი და შემდეგ უკვე მოხვედრილია მდინარეში", - განაცხადა გაბრიელ ჩიკვაიძემ.
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი