პაციენტს გერმანიაში მოგზაურობის ისტორია აქვს და თბილისის ერთ-ერთ საკარანტინე სივრცეში იმყოფებოდა.

ქუთაისის ინფექციურში აცხადებენ, რომ მამაკაცი გერმანიიდან 8 ივნისს ჩამოვიდა და საკარანტინე სივრცეში ვირუსისათვის დამახასიათებელი სიმპტომები გამოუვლინდა, რის შემდეგაც ინფექციურში მოათავსეს. ქუთაისში გადმოყვანა მისი სურვილით მოხდა, რადგან ის წარმოშობით ტყიბულის მუნიციპალიტეტიდანაა.

მათივე ინფორმაციით, 52 წლის კაცის ჯანმრთელობის მდგომარეობა საშუალო სიმძიმისაა. მას თანმხლები დაავადებები არ აქვს.

ქუთაისის ინფექციურ საავადმყოფოში ამ დროისთვის 4 პაციენტი მკურნალობს.