ქუთაისში მუზეუმის საერთაშორისო დღისადმი მიძღვნილი ღონისძიება - ‘’ვიცავთ და ვქმნით ისტორიას’’ გაიმართა
დღეს, ქუთაისის ისტორიულ-არქიტექტურულ მუზეუმ-ნაკრძალში, მუზეუმის საერთაშორისო დღისადმი მიძღვნილი ღონისძიება - ‘’ვიცავთ და ვქმნით ისტორიას’’ გაიმართა.
შეხვედრის ორგანიზატორები იყვნენ: ასოციაცია "ქალები რეგიონების განვითარებისთვის", "ქუთაისის ქალთა კლუბი" და ქუთაისის ისტორიულ-არქიტექტურული მუზეუმ-ნაკრძალი.
ღონისძიებაზე ფილმის ჩვენება გაიმართა და საინფორმაციო ცენტრი ნატოსა და ევროკავშირის შესახებ იმერეთის ბიუროს ინიციატივით შექმნილი სამაგიდო თამაში ჩატარდა.
‘’18 მაისი მუზეუმების საერთაშორისო დღეა. ამიტომ საინფორმაციო ცენტრ "ნატო და ევროკავშირის შესახებ’’ და ‘’ქუთაისის ქალთა კლუბთან" ერთად მუზეუმში ერთობლივი ღონისძიება ჩატარდა.
ეს ძალიან მნიშვნელოვანი შემოთავაზება იყო "ქალთა კლუბისთვის". ასევე, გაიმართა ფილმის ჩვენება და შემდეგ უკვე სამაგიდო თამაში, რომელიც ნატო - ევროკავშირის თემაზე იყო შექმნილი.
ჩვენი ძირითადი სამიზნე აუდიტორია ახალგაზრდებია, ისინი სწორედ იმიტომ შევარჩიეთ, რომ მუზეუმის ცხოვრებასაც უფრო ახლოს გაეცნობიან,’’- განაცხადა FirstNews.ge-სთან საუბრისას ქუთაისის ქალთა კლუბის თავჯდომარე მარიკა ვაჭარაძემ.
საინფორმაციო ცენტრის თამაშში გამარჯვებულ გუნდს სამახსოვრო საჩუქრები გადაეცა.
სიახლეები
- ,,ან ნაკლებად გამოცდილია, ასეთ შეცდომას რომ უშვებს, ან კიდევ მავნებელი ელჩების მეტი რა ვნახეთ"- ირაკლი ზარქუა
- თალიბანი წესებს ამკაცრებს – ავღანეთში ქალებს საავადმყოფოებში სრული ჩადრის ტარება მოუწევთ
- ,,დღეს ბრიუსელი ღირებულებებს აცდენილია, რისი შედეგიც არის ის კონფრონტაციული ტონი, თავდასხმები, რიტორიკა, რომელიც ქართველი ხალხის წინააღმდეგ გვესმის” – შალვა პაპუაშვილი
- ,,ენჯეოები“, რომლებიც დღეს არღვევენ კანონს და არ ემორჩილებიან „გამჭვირვალობის კანონს“, არღვევენ სტრასბურგის სასამართლოს გადაწყვეტილებას” – შალვა პაპუაშვილი
- სუს-მა ჩატაევის დაჯგუფების სამალავი აღმოაჩინა, საიდანაც სხვადასხვა სახის ასაფეთქებელი და საბრძოლო მასალა ამოიღო