სინგაპურის სასამართლომ Credit Suisse-ს ბიძინა ივანიშვილისთვის 926 მილიონი დოლარის გადახდა დააკისრა
სინგაპურის სასამართლოს კომერციულმა პალატამ საქართველოს ექსპრემიერ-მინისტრის ბიძინა ივანიშვილის სარჩელის განხილვა დაასრულა და შვეიცარიულ ბანკ Credit Suisse-ს ივანიშვილისთვის 926 მილიონი დოლარის გადახდა დააკისრა.
როგორც Reuters-ი იტყობინება, Credit Suisse-მა განჩინებასთან დაკავშირებით შეშფოთება გამოხატა და განაცხადა, რომ სასამართლოს გადაწყვეტილებას გაასაჩივრებს.
მედიასაშუალება წერს, რომ საქართველოს ყოფილი პრემიერ-მინისტრის ბიძინა ივანიშვილის იურიდიულმა გუნდმა Credit Suisse-ის წინააღმდეგ სარჩელი შეიტანა სინგაპურში, ახალ ზელანდიასა და ბერმუდის სასამართლოში.
ინფორმაციისთვის, გასული წლის მარტში ივანიშვილმა ბერმუდის კუნძულებზე სასამართლო მოიგო, რომელმაც Credit Suisse-ის ადგილობრივ წარმომადგენლობას ბიზნესმენისთვის 607 მლნ დოლარის გადახდა დააკისრა. სასამართლოს გადაწყვეტილებით, Credit Suisse-ის ოფისმა ბერმუდის კუნძულებზე ლესკოდრონის თაღლითობის შესახებ იცოდა და არანაირი ზომები არ მიუღია.
ლესკოდრონი 2018 წელს გაასამართლეს თაღლითური სქემის განხორციელებისთვის, რომლითაც მან ივანიშვილის ანგარიშებიდან ფული მიითვისა.
სიახლეები
- "საქართველო ჩამოდგა რუსთაველზე საქართველოს გადასარჩენად" - თაკო ჩარკვიანი
- "ივანიშვილის უძლეველობის მითი დანგრეულია" - გიორგი გახარია
- "არა რუსეთს და არა ყველაფერს, რაც საქართველოს რუსეთისკენ მიაქანებს, საქართველოს გზა ევროპაშია"- ბუდუ ზივზივაძე
- Anonymous-ი აცხადებს, რომ საქართველოს შს სამინისტროს ვებგვერდი გატეხა
- "არაფერია იმაზე მნიშვნელოვანი, ვიდრე ქვეყანა, თავისუფლება საქართველოს და არა ძალადობას, არა რუსეთს!" - გიორგი ქოჩორაშვილი