მისი თქმით, პრეზიდენტის გადაწყვეტილება მოულოდნელი იყო და „გამარჯვებისთვის ბრძოლა გრძელდება“.

„მხოლოდ წინ, საბოლოო გამარჯვებამდე. ყველას ძალიან დიდი მადლობა ვინც გვგულშემატკივრობდა, სიმართლისთვის ბრძოლას ყოველთვის აქვს აზრი, ნიკა არის მართალი და ეს ჩვენ დავამტკიცეთ. გადაწყვეტილება მოულოდნელი იყო, ტელევიზორი ჩავრთე, მაინტერესებდა რას იტყოდა, მაგრამ არ ველოდი. ამით არაფერი არ მთავრდება, მე ვიტყოდი, რომ ამით იწყება ყველაფერი“, - განაცხადა ლილუაშვილმა.

ცნობისთვის, საქართველოს პრეზიდენტმა სალომე ზურაბიშვილმა „მთავარი არხის“ გენერალური დირექტორი, ნიკა გვარამია შეიწყალა.

გვარამიას 3 წლითა და 6 თვით თავისუფლების აღკვეთა ჰქონდა მისჯილი.