კანონი თანაბრად ვრცელდება სარეკლამო შეტყობინებების გამგზავნ ნებისმიერ პირზე. მათ შორის, არ აქვს გადამწყვეტი მნიშვნელობა, ეს რეკლამა მობილურზე იქნება გაგზავნილი თუ ელექტრონულ ფოსტაზე.

• შეტყობინება უნდა გაიგზავნოს მხოლოდ წინასწარი თანხმობის შემთხვევაში;
• სარეკლამო შეტყობინების მიღებაზე უარის თქმა შეიძლება ნებისმიერ დროს - კომპანია ვალდებულია 7 სამუშაო დღეში დააკმაყოფილოს მოთხოვნა;
• შეტყობინების მიღებაზე უარის თქმა შესაძლებელი უნდა იყოს მარტივი გზით.

თუ სარეკლამო შეტყობინების გაგზავნის წესი დაირღვევა, პერსონალურ მონაცემთა დაცვის სამსახური მიმართვის საფუძველზე განიხილავს საჩივარს და დააკისრებს ჯარიმას, რომლის ოდენობაა:

• 500 ათას ლარამდე ბრუნვის მქონე კომპანიაზე ან მეწარმეზე - 2000 ლარი;
• უფრო დიდი ბრუნვის მქონე კომპანიებისთვის - 3000 ლარი;
• დამამძიმებელი გარემოების აღმოჩენის შემთხვევაში ჯარიმები იზრდება.

• ადამიანს ნებისმიერ დროს შეუძლია მოითხოვოს ინფორმაცია მასთან საკონტაქტო ინფორმაციის მოპოვების წყაროს შესახებ;
• თუ თქვენ უარს არ იტყვით სარეკლამო შეტყობინების მიღებაზე, ამას კომპანია თანხმობად ვერ ჩათვლის.