შინაგან საქმეთა სამინისტროს ინფორმაციით, პროტოკოლით გათვალისწინებული ევაკუაცია საჭირო გახდა მას შემდეგ, რაც დევდორაკში დამონტაჟებული საზომი დეტექტორიდან, რომელიც კალაპოტში დინების მინიმალური აწევის შემთხვევაში ცვლილებას აფიქსირებს, 08:36 საათზე მიიღეს სასიგნალო შეტყობინება.

შსს-ს ცნობითვე, ტერიტორიას სასაზღვრო პოლიციის ვერტმფრენიდან ათვალიერებენ გარემოს დაცვის ეროვნული სააგენტოს თანამშრომლები და გეოლოგები. პრევენციის მიზნით დაიკეტა საავტომობილო გზა სოფელ გველეთთან.