ჩეხეთში მსხვერპლი მოჰყვა სამგზავრო და სატვირთო მატარებლების შეჯახებას
სულ მცირე, ოთხი ადამიანი დაიღუპა და 20 დაშავდა ჩეხეთში, სამგზავრო და სატვირთო მატარებლების შეჯახების შედეგად. კატასტროფა გასულ ღამით მოხდა ქალაქ პარდუბიცის სადგურთან.
ადგილობრივი მედიის ცნობით, სამგზავრო მატარებელში, რომელიც ჩეხეთის დედაქალაქ პრაღიდან სლოვაკეთის ქალაქ კოშიცეში უნდა ჩასულიყო, 300-მდე ადამიანი იმყოფებოდა. ერთ-ერთი ვერსიით, კატასტროფა სამგზავრო მატარებლის მემანქანის შეცდომამ გამოიწვია.
ჩეხეთის პრემიერ-მინისტრმა პეტრ ფიალამ მომხდარს დიდი უბედურება უწოდა და დაღუპულთა ოჯახებს სამძიმარი გამოუცხადა.
ტელეკომპანია ČT24 სახანძრო სამსახურის პრესმდივანზე დაყრდნობით იუწყება, რომ სატვირთო მატარებელს კალციუმის კარბიდი გადაჰქონდა, თუმცა პირველი ორი ვაგონი ცარიელი იყო, დატვირთული ვაგონების მთლიანობა კი შეჯახების შედეგად არ დარღვეულა.
სიახლეები
- “ტერორი საქართველოში - ახალი რეკორდები” - სალომე ზურაბიშვილი
- “მივმართავთ მთავრობას, გვაჩვენონ ხელშეკრულება, რომელიც არაბებთან გაფორმდა - მიგვაჩნია, რომ ერთი მხრივ, საქმე გაქვს ანტიეროვნულ გადაწყვეტილებასთან და მეორე მხრივ, არაბულ აფიორასთან” - ალეკო ელისაშვილი
- “მოულოდნელად დაკარგა გონება და განვითარდა გულის გაჩერება, დაფიქსირდა ფიბრილაცია” – სამედიცინო ბრიგადამ მამაკაცისთვის გულისცემის აღდგენა შეძლო
- რომში მსხვერპლი მოჰყვა შუა საუკუნეების კოშკის ნაწილის ჩამონგრევას
- “ნაცმოძრაობამ” სისხლიანი და ცრემლიანი საქართველო დაუტოვა “ქართულ ოცნებას”, უშველებელი პრობლემებით” – გია ვოლსკი