ევროკავშირის ელჩი საიას თანამშრომლებს შეხვდა
ევროკავშირის ელჩი პაველ ჰერჩინსკი "საქართველოს ახალგაზრდა იურისტთა ასოციაციის" თავმჯდომარესა და ორგანიზაციის თანამშრომლებს შეხვდა. ელჩი არასამთავრობო ორგანიზაციის ოფისში მივიდა - როგორც საიაში ამბობენ, შეხვედრის სურვილი ევროკავშირის წარმომადგენლობის მხრიდან გამოითქვა.
„მათი ინიციატივით გაიმართა შეხვედრა და ჩვენ სიამოვნებით ვუმასპინძლეთ. ეს იყო მხარდაჭერა, განსაკუთრებით მაშინ, როცა ვხედავთ ყოველდღიურ თავდასხმებს ხელისუფლების მხრიდან.
ამ ტიპის შეხვედრები მნიშვნელოვანია ჩვენთვის იმის გამო, რომ გავაგრძელოთ ბრძოლა ჩვენი საზოგადოებისთვის, ხალხისთვის, რასაც ჩვენი ორგანიზაცია 30 წელია აკეთებს“, - თქვა საიას თავმჯდომარე ნონა ქურდოვანიძემ შეხვედრის დასრულების შემდეგ.
პაველ ჰერჩინსკი აცხადებს, რომ ევროკავშირი მხარს უჭერს საიას, რომელიც საქართველოში ეხმარება მოწყვლად ჯგუფებს და აქტიურად არის ჩართული არჩევნების სადამკვირვებლო საქმიანობაში.
„ევროკავშირი ეხმარებოდა და გააგრძელებს საიას მხარდაჭერას. ჩვენ მხარს დავუჭერთ საქართველოში სამოქალაქო საზოგადოების ყველა ორგანიზაციას, ვინაიდან ცოცხალი სამოქალაქო საზოგადოება ნებისმიერი დემოკრატიის ხერხემალია“, - თქვა ევროკავშირის ელჩმა.
სიახლეები
- ბანერები წარწერით „იამაყე შენი ქვეყნით!“, „იამაყე ქართველობით!“ მოქალაქეებმა თბილისში, ბარათაშვილის ხიდზე გადმოფინეს
- "საერთოდ არ მაინტერესებს მათი განცხადებები, არც მათი პლატფორმები ვისთან შეიკრიბებიან, როგორ და რანაირად" - კახა კალაძე ოპოზიციაზე
- ილონ მასკი ტრამპის ადმინისტრაციას ტოვებს
- ირაკლი კობახიძემ საქართველოს ძიუდოისტთა ნაკრებს ევროპის გუნდურ ჩემპიონატში გამარჯვება მიულოცა
- "ეკონომიკა საერთაშორისო სავალუტო ფონდსა და საქართველოს შორის თანამშრომლობა არცერთი წუთით არ შეწყვეტილა, ველით სავალუტო ფონდის მისიას საქართველოში მაისის ბოლოს" – ნათია თურნავა