რამდენიმე დაკარგულ ადამიანს მაშველები ამ დრომდე ეძებენ.

სტიქიამ მსხვერპლი ჩეხეთში, რუმინეთში, პოლონეთსა და ავსტრიაში გამოიწვია. პოლონეთის ქალაქ ნისაში, უკიდურესად მძიმე ვითარების გამო, მერმა ქალაქის მთელ მოსახლეობას ევაკუაციისკენ მოუწოდა. საცხოვრებლის დატოვება საერთო ჯამში 44 ათას მცხოვრებს მოუწევს.

სტიქიის ზონიდან მოსახლეობის ევაკუაცია მიმდინარეობს ჩეხეთშიც. ათწლეულების განმავლობაში ყველაზე მასშტაბურ წყალდიდობას ებრძვიან სლოვაკეთშიც, მდინარე დუნაის ადიდებამ დედაქალაქ ბრატისლავას ისტორიული ნაწილი დატბორა. უნგრეთში კი წყალდიდობის გამო შეფერხებით მუშაობს საქალაქთაშორისო ტრანსპორტი.