შენობის ერთ-ერთ სართულზე მომხდარი აფეთქება, სავარაუდოდ, გაზის გაჟონვამ გამოიწვია. დაწყებულია გამოძიება. არსებული ინფორმაციით, კორპუსში აფხაზეთიდან დევნილები ცხოვრობენ.

შემთხვევის ადგილზე მივიდა „ქართული ოცნების” მთავრობის ჯანდაცვის მინისტრი მიხეილ სარჯველაძე. მან ჟურნალისტებს უთხრა, რომ დაშავებულებიდან ერთის მდგომარეობა განსაკუთრებით საყურადღებოა.

მიხეილ სარჯველაძის ინფორმაციით, შენობის მდგრადობის შემოწმების დასრულებამდე იქ მცხოვრებთ დროებით საცხოვრებლებში განათავსებენ.