“რომან შამათავა თვალებში მიყურებდა უტიფრად და მეუბნებოდა, მე მამაშენი არ მომიკლავსო, დგას დედამისი და იძახის, რომ გმირი შვილი გაზარდა, რომელიც ქართველებს კლავდა” - „ნაცმოძრაობის“ რეჟიმის მიერ მოკლული პაატა ქარდავას შვილი ქრისტინე ქარდავა
რომან შამათავა თვალებში მიყურებდა უტიფრად და მეუბნებოდა, რომ მე მამაშენი არ მომიკლავს. დგას დედამისი და იძახის, რომ ეს ადამიანი არის გმირი – გმირი შვილი გაზარდა, რომელიც ქართველებს კლავდა. უდანაშაულოდ გამოასალმა მამა სიცოცხლეს, დავით ცინდელიანი და არ ვიცი, კიდევ რამდენ ადამიანს დაუშავეს, – ამის შესახებ „ნაცმოძრაობის“ რეჟიმის მიერ მოკლული პაატა ქარდავას შვილმა, ქრისტინე ქარდავამ, პარლამენტის დროებითი საგამოძიებო კომისიის სხდომაზე განაცხადა.
მისი თქმით, იმედი აქვს, შამათავა ციხიდან რომ გამო, საქართველოს დატოვებს, ვინაიდან შიშობს, რომ თუ მისი ძმა, ბექა ქარდავა სადმე გადაეყრება, იგი თავს ვერ შეიკავებს.
„საერთოდ, მაქვს იმის იმედი, რომ შამათავა ციხიდან რომ გამოვა, საქართველოს დატოვებს, იმას ვოცნებობ, რომ ქუჩაში არ გადავეყარო. მე ქალი ვარ და შეიძლება ხელით ვერ შევეხო, ვერ მოვთხოვო, როგორ მოკლა მამაჩემი და გადააგდო ზღვაში, ჩემს ძმას რა ვუყო? მაქსიმალურად ვცდილობდი, ჩემი ძმა ჩამომეშორებინა იმ ოთხი წლის განმავლობაში და თუნდაც სასამართლო პროცესებზე, მხოლოდ მე და დედა ვესწრებოდით. ბექა შედარებით ბავშვი იყო და ვარიდებდი ამ ყველაფერს, მაინც კაცია, შეიძლება ვიღაცას ვერ მოუთმინოს და ჩვენს ოჯახში კიდევ უარესი არ მომხდარიყო და ახლა, სულ რაღაც ერთ წელიწადში, ვდგები ამ საშიშროების წინაშე.“ – განაცხადა ქრისტინე ქარდავამ.
სიახლეები
- ვახო სანაიას 6-დღიანი ადმინისტრაციული პატიმრობა შეეფარდა
- ერევანში ჩეჩნეთიდან გაქცეული გოგონას ცხედარი აღმოაჩინეს
- ჰონგ-კონგის აეროპორტის დასაფრენი ბილიკიდან სატვირთო თვითმფრინავი ზღვაში გადავარდა – არის მსხვერპლი
- “ქალბატონი ლომჯარია მოუწოდებდა სხვებს გზის გადაკეტვაზე და თვითონ ტროტუარს არ ჩაცილებულა, ესეც საინტერესო მომენტია – როგორ წირავენ ადამიანებს სასჯელისთვის” – პაპუაშვილი
- პარტიამ „გახარია საქართველოსთვის“ პარლამენტში შესვლის გადაწყვეტილება მიიღო