“ჭრილობა არის მძიმე ხარისხის, მას შეეძლო სიცოცხლესთან შეუთავსებელი მდგომარეობის დაყენება” - ლევან რატიანი დაჭრილ სპეცრაზმელზე
“პაციენტის ზოგადი მდგომარეობა შემოყვანისას იყო მძიმე, სიმძიმეს განაპირობებდა ჭრილობის ტრაექტორია”, – ამის შესახებ თსსუ-ის პირველი საუნივერსიტეტო კლინიკის გენერალურმა დირექტორმა ლევან რატიანმა დაჭრილი სპეცრაზმელის მდგომარეობაზე საუბრისას განაცხადა.
როგორც რატიანმა განმარტა, სწორედ ჯავშანმა იხსნა და გადაარჩინა მისი სიცოცხლე.
“ცეცხლსასროლი იარაღიდან ჭრილობა მიყენებულია გულ-მკერდის მარცხენა ნახევარში, სადაც არის მოთავსებული გული და აორტა. ჭრილობა არის მძიმე ხარისხის, მას შეეძლო სიცოცხლესთან შეუთავსებელი მდგომარეობის დაყენება, მაგრამ საბედნიეროდ პაციენტი ამ ეტაპზე სტაბილურია და ვიტალური ფუნქციები აღდგენილია“.
შეგახსენებთ, ხუთ სისხლის სამართლის საქმეზე ჩატარებული მასშტაბური ღონისძიებების შედეგად, ე.წ. “ქურდული სამყაროს წევრობის”, “ქურდული სამყაროს საქმიანობის მხარდაჭერის”, “ქურდული სამყაროს წევრისთვის” მიმართვის ბრალდებით დაკავებულია 34 პირი.
სპეცოპერაციის ფარგლებში, გულმკერდის არეში მძიმედ დაიჭრა ერთ-ერთი სპეცრაზმელი.
სიახლეები
- “არქიმანდრიტ ილიას ეპისკოპოსის სიტყვიერი შეურაცხყოფისა და ეკლესიის იერარქებისადმი ცილისმწამებლური განცხადებებისათვის აეკრძალოს მღვდელმოქმედების უფლება, ვიდრე არ გამოავლენს გულწრფელ სინანულს” – ილია მეორე
- “მუნი ყოველწლიურად არის, მატება არ შეინიშნება, ყველას შეიძლება დაემართოს და საპანიკო არაფერია” - პაატა იმნაძე
- ,,თავად რატომ არ დაურეკა მანჩო გიორგობიანმა მისთვის სანდო პატრულს?! მნიშვნელოვანი კითხვაა და ლეგიტიმური” – თაკო ჩარკვიანი
- გიორგი მამარდაშვილი „არქის“ მასშტაბური პროექტის - „გრანდ ავენიუს“ ინვესტორი გახდა
- ნიუ-იორკის მერის არჩევნების წინასწარი შედეგებით, ქალაქის მერი გახდება დემოკრატიული პარტიის კანდიდატი 34 წლის ზოჰრან მამდანი