კორონავირუსის გავრცელებასთან დაკავშირებით საზოგადოების ინფორმირებულობა აუცილებელია და ძალიან დიდი მნიშვნელობა აქვს სანდო, დაზუსტებული ინფორმაციის გავრცელებას, თუმცა სამწუხაროდ ბევრი "ფეიკნიუსი" ვრცელდება, რასაც ხალხი შეცდომაში შეჰყავს.

სოციალურ ქსელებში პაატა იმნაძის დედის მიერ გაზიარებულ პოსტს , რომელიც მისმა შვილმა ასე დაუკომენტარა: "დედა, ტყუილებს ნუ აზიარებ ", გამოეხმაურა  ეროვნული ბიბლიოთეკის გენერალური დირექტორი  გიორგი კეკელიძე:

 

 

 

"რადგან ასე აქტუალურია, მისი სავარაუდო გაბრაზების მიუხედავად, აუცილებლად უნდა ვთქვა, რაც ოდესმე მაინც უნდა მეთქვა – ნუნუ ბებია – გნებავთ ნუნუ დუმბაძე, პაატა იმნაძის დედა და ჩემი უფროსი მეგობარი – საოცარი ადამიანია. აი, მაგალითად, უამრავჭირნანახი, 90 წლის ქალი, პენსიიდან ფულს აგროვებს, ჭიქა ღვინოზე გვპატიჟებს და კონვერტით გურული დღიურების ფონდისთვის გვაძლევს ხოლმე, პატარა მოსწავლეებს რომ გადავცეთ.ზუსტად ვიცი, როგორ განიცდის ახლა ამ ამბავს და როგორ ეჩქარება კარგი დასასრული. და ისიც ზუსტად ვიცი, რომ ყველაფერი ისე იქნება, როგორც მას უნდა" , - წერს სოციალურ ქსელში კეკელიძე.