თავის ანგარიშში „Lost at Home“ („შინ დაკარგულები“), რომელიც 5 მაისს გამოქვეყნდა, UNICEF-ი ადგილნაცვალ პირთა რიცხვის მკვეთრი ზრდის შესახებ იტყობინება. ათი წლის წინ მათი რიცხვი 25 მილიონი იყო, უკანასკნელი ხუთი წლის განმავლობაში კი 46 მილიონამდე გაიზარდა.

შარშან ადგილნაცვალი პირების 40% 18 წლამდე ასაკის იყო.

UNICEF-ის თანახმად, კორონავირუსის პანდემია ადგილნაცვალი ბავშვებისა და ოჯახების მდგომარეობას წელს კიდევ უფრო ამძიმებს.

„მსოფლიოში მილიონობით ადგილნაცვალი ბავშვი უკვე არის დარჩენილი სათანადო მზრუნველობისა და დაცვის გარეშე,“ აცხადებს UNICEF-ის აღმასრულებელი დირექტორი ჰენრიეტა ფორი. „როცა ჩნდება COVID-19-ის მსგავსი კრიზისები, ეს ბავშვები განსაკუთრებით დაუცველები არიან.“

https://www.radiotavisupleba.ge/