• წითელი ოსპი - 200-250 გრ
• სტაფილო - 1 ცალი
• კარტოფილი - 1 ცალი (დიდი ზომის)
• კანგაცლილი პომიდორი - 2 ცალი
• ხახვი - 1 თავი
• წითელი ბულგარული წიწაკა - 1 ცალი, მოზრდილი
• ბრინჯი - 1 ს.კ.

• ტომატპასტა - 1 ს.კ.
• ხმალი პიტნა - 2 ჩ.კ
• პაპრიკა - ½ ჩ.კ.
• ზეითუნის ზეთი - 2 ს.კ.
• გემოვნებით მარილი
• ლიმონი - სუფრასთან მისატანად

მომზადების წესი:

უნდა მოხარშოთ ყველაფერი ერთად:

წითელი ოსპი გარეცხეთ და მოზრდილ ქვაბში ჩაყარეთ ( გაითვალისწინეთ, რომ მოიმატებს მოცულობაში);

ხახვი წვრილად დაჭერით, ხოლო სტაფილო, კარტოფილი და კანგაცლილი პომიდორი - პატარა კუბებად.

შემდეგ ეს დაჭრილი ბოსტნეული და ბრინჯი ქვაბში დააყარეთ ოსპს, დაასხით, დაახლოებით, 2 ლ. წყალი და დადგით მოსახარშად.

წყალი ადუღებამდე რომ მივა, ქაფი მოხადეთ და ცეცხლს დაუწიეთ. დაახლოებით 20-25 წუთი დაბალ ცეცხლზე ხარშეთ.

როცა მოიხარშება (კარტოფილით მიხვდებით, რადგან ოსპი ძალიან მალე იხარშება), ქვაბშივე დააბლენდერეთ ხელის ბლენდერით (შეგიძლიათ, გააგრილოთ ან ცხელი დააბლენდეროთ).

შემდეგი ნაბიჯი - გაცხელებულ ტაფაზე დაასხით ზეითუნის ზეთი (კარაქიც შეგიძლიათ), დაამატეთ ხმელი პიტნა, პაპრიკა და ტომატ-პასტა. ეს ყველაფერი კარგად რომ მოიშუშოს, გასათხელებლად დაასხით, დაახლოებით 2-3 ს. კოვზი დაბლენდერებული მასა. 2-3 წუთი მოშუშვა საკმარისია.

შემდეგ გადაიტანეთ ქვაბში, მარილი გემოვნებით და კარგად ამოურიეთ.

სულ ეს არის!

• ოსპის წვნიანთან ერთად, სუფრასთან მიიტანეთ ლიმონი.
• შეგიძლიათ ხმელი პიტნა ზემოდანაც მოაყაროთ.
• ვისაც უფრო ცხარე მოსწონს, შეუძლია ცოტაოდენი წითელი ცხარე წიწაკა დაამატოს.

წყარო